Kalaallit Nunaanni Politiit timmisartup nakkarneranut misissuinermut ikiutaassasut
Timmisartoq nakkarsimasoq qaqqami nassaarineqareersorlu Ajutoortoqarnerani Misissueqqissaartartut arfininngormat ajutoortoqarnerani qanoq pisoqarsimaneranik paasiniaaneranni politiit ikiuupput.
Foto: Oscar Scott Carl
Timmisartoq arfininngornermi nakkartoq oqartussat ikioqatigiillutik suleqatigiinnerisigut qaqqami Sermitsiami ataasinngornermi oktobarip 27-ani nassaarineqarpoq.
Naviairimit, Air Greenlandimit, Issittumi Sakkutooqarfimmit, annaassiniartartunik, Greenland Airportsimit aamma Kalaallit Nunaanni Politiinit annertusisamik suleqatigiinnikkut tamanna pisoq, politiit ilisimatitsipput.
Timmisartortartoq nakkarnermini ajunaarpoq. Allanik ilaasoqanngilaq.
Ajunaarnerup Ajutoortoqarnerani Misissueqqissaartartunit paasiniaaffigineqarnerani politiit ikiuuttut maanna paasissutissiissutigineqarpoq.
- Timmisartup nakkarfia angujuminaatsumiimmat qanillinissaa maanna suli ajornakusoorpoq, politiinit paasissutissiipput.
Kalaallit Nunaanni Politiit allanik maanna paasissutissiisinnaanngikkallarput.
