Tuluit Nunaat (UK) EU-mit animmali januaarip 31-ani 2020-mi, Kalaallit Nunaat Tuluit Nunaallu isumaqatigiinniuteqartarput qanoq nunat taakku marluk imaanut sineriallit suleqatigiinnissaat siunissamilu imminnut tapersersoqatigiinnissaat pillugu oqaloqatigiittarsimapput.
Siusinnerusukkut Kalaallit Nunaata Tuluit Nunaannut attaveqarneri EU-p aaqqissuussineratigut ingerlanneqartarsimapput, pingaartumik niuernikkut attaveqaatinut tunngatillugu.
Tuluit Nunaat (UK) EU-mit animmali januaarip 31-ani 2020-mi, Kalaallit Nunaat Tuluit Nunaallu isumaqatigiinniuteqartarput qanoq nunat taakku marluk imaanut sineriallit suleqatigiinnissaat siunissamilu imminnut tapersersoqatigiinnissaat pillugu oqaloqatigiittarsimapput.
Siusinnerusukkut Kalaallit Nunaata Tuluit Nunaannut attaveqarneri EU-p aaqqissuussineratigut ingerlanneqartarsimapput, pingaartumik niuernikkut attaveqaatinut tunngatillugu.
Nunat taakku marluk arlalitsigut pingaarutilinnik aaqqissuussaanerminni assigiissuteqartut akornanni siunissami attaveqatigiinneq qanoq isikkoqassava?
Nunat taakku januaarip aallaqqaataani 2021 isumaqatigiissuteqarput taassamik "Tuluit Nunaata Peqatigiilluni Kunngeqarfiusup Nordirlandillu
naalakkersuisuisa aamma Kalaallit Nunaanni naalakkersuisut
aalisarneq sammisallu attuumassutillit pillugit
suleqatigiinnerunissaq pillugu isumaqatigiissutaat."
Tuluit Nunaata akitsuusersuinermut qammarsuanut Kalaallit Nunaat putoqqussinnaava?
Tuluit Nunaat EU-mit animmalli akitsuusersuinikkut qammarsuartut ittoq pilersimavoq, tamannalu Kalaallit Nunaannut sunniuteqarsimavoq, pingaartumik aalisarnermut tunngasunik niuernikkut attaveqaatinut.
Nunat taakku suleqatigiittut tassunga tunngatillugu isumaqatigiissut pineqartoq atorlugu allannguutit pisut, aammalu ingammik aalisarnermik inuussutissarsiuteqartunut kinguneqarsimasut aaqqinniarsarivaat.
Tamanna aamma 2023-mi nunanut allanut politikkikkut nalunaarummi kingullermi allaaserineqarpoq.
- Tuluit Nunaat (UK) aamma Kalaallit Nunaannut niuerfiuvoq pingaarutilik,
attaveqaqatigiinnerullu annertusarnissaanut periarfissagissaarpoq. Uani oqaloqatigiinnermi
kalaallit kissaataa, siusinnerusukkut niuernikkut atugassarititaasimasut utertinnissaat,
maanna UK-p Brexiteqalermat akitsuutit atorneqartut, kalaallit avammut niuernerannut
millionerpassuarnik aningaasartuutaalersinnaasut inuussutissarsiortunut
millionerpassuarnik aningaasartuutaasinnaapput.
- Oqaloqatigiinnermi peqatigiinnissamut
suleqatigiinnissamullu isumaqatigiissut aamma niuernermut ilalimmik pitsaanerusumik
angusaqarfiuvoq. 2023 isumaqatigiinniarneq annertungaatsiarpoq, isumaqatigiissutissallu
allassimanerisa annertunersaat maanna isumaqatigiissutigineqarsimalereerput. 2023-mi
ukiup sisamararterutaani kingullermi eqqarsarnissamut periarfissaqarniarluni
unikkallartoqarpoq, taamaattorli assigiinngitsutigut oqaloqatigiinnerit ingerlasarlutik, nunanut allanut tunngasutigut naalakkersuinikkut ingerlatsineq pillugu nassuiaammi oqaatigineqarpoq.
Nassuerneq: Kalaallit Nunaat WTO-mi peqataaneq atorluarneqarnerusariaqarpoq
Ukioq kingulleq nunarsuarmioqatigiit niuernermi kattuffissuanut WTO-mut ilaasortaanerput
suli annertunerusumik atorluartariaqaripput erserpoq. Kalaallit Nunaat Danmark
aqqutigalugu ilaasortaavoq, WTO-mullu inatsisitigut suliassat suli
naammassineqarnikuunngillat, ukiullu pingasukkaarlugit sumiiffipput nangaassutigalugu
inissittarluta, Naalakkersuisut nassuiaamminni nassueruteqarput.
- UK-mik oqaloqateqarnerup takutippaa, immikkoortut amerlasuut inatsisitigut,
aaqqissuussaanikkut ingerlaatsikkullu pitsaasut WTO-llu malittarisassanut immikkoortuni
amerlasuuni uniuutinngitsut.
- WTO-mulli piginnaasagut killilerujussuupput, naammattumillu
missuissagaani isumalluuteqarnissaq pisariaqartinneqarpoq, isumaqatigiissutissanut
oqaloqatigiinneq isumalluutinik annertuunik atuiffioreermat. Niuernikkut peqatigisavut
WTO-mi inatsisinut pitsaassutsinullu ilaammata, niuernikkut suleqataasutut, niuernikkullu
isumaqatigiissuteqarusuttutut, sumiiffimmut tassunga annertunerusumik
paasisimasaqarnerunissatsinnut nukittunerusariaqarpugut, Naalakkersuisut nalunaarumminni erseqqissaapput.
Suleqatigiinnermi unammilligassat arlalissuugaluartut, taamaattoq Kalaallit Nunaat Tuluit Nunaallu suli imminnut attaveqaqatigiikkusupput, kingullertigullu Tuluit Nunaata Kunngeqarfik Danmarkimi aallartitaa Emma Hopkins 2024-mi upernaakkut Kalaallit Nunaanni tikeraarpoq, maannakkullu Kalaallit Nunaat sinnerlugu Vivian Motzfeldt tikeraassaaq.
Vivian Motzfeldt Tuluit Nunaannut tikeraarnissaa arfininngornermi januaarip 11-ani aallartissaaq.
