Kalaallit Nunaat pillugu ataatsimiititaliaq illussaarsuarmi juullisiornissamik qaaqqusisoq
Erinarsoqatigiinnissamut, nipilersoqatigiinnissamut ataatsimuualaarnissamullu Folketingimi Kalaallit Nunaat pillugu ataatsimiititaliami politikerit soqutiginnittunut tamanut Christiansborgimi juullimi nuannisaqatigiinnissamut qaaqqusipput.
Christiansborgimi decembarip aqqaneq-aappaanni juullimut ataatsimuualaarnissamut Kalaallit Nunaat pillugu ataatsimiititaliap Kalaallit Nunaannut attuumassuteqartut tamaasa qaaqquai.
Assiliisoq: Leiff Josefsen
Kalaallit Nunaannut attuumassutillit tamarmik decembarip 12-ianni nal. 15.30-miit 17.30-mut “Illussaarsuarmi Juulli”-mut qaaqqusaapput, Kalaallit Nunaat pillugu ataatsimiititaliami siulittaasoq Aaja Chemnitz ilisimatitsivoq.
Eqqaamasariaqarporli kingusinnerpaamik decembarip qulingani peqataanissamut maana nalunaartoqassammat: Nalunaarfissaq - Illorsuarmi Juulli
- Illit qanigisatillu peqatigalusi juullip nuannaarnermik kissalaarnermillu
tunisisarnera nalliusserusupparput. Kinguaariit akornanni ataatsimoorluta
ilorrisimaarnartumik nuannersumillu ataatsimoorluta ukioq naggasissavarput, qaaqqusissummi allassimavoq.
Sulerissaagut?
- Ullormi tassani Kalaallit Nunaat pillugu ataatsimiititaliami ukiumi nutaami
sunik suliaqartariaqarnitsinnik kiisalu Kalaallit Nunaat pillugu tusagassiornermi
suut ukkatarineqarnerusariaqarnersut pillugit isummasi aamma
tusarusuppavut, paasissutissiissutigineqarpoq.
Aaqqissuussaq kalaallisut qallunaatullu ingerlanneqassaaq, immaqalu juullip inua Nunatsinniit aqqusaarsinnaasoq Aaja Chemnitz ilisimatitsivoq.
