POLITIIT
Kangerlussuarmi ikuallannermut pissutaasoq suli paasineqanngilaq
Kangerlussuarmi illu pisiniarfiutigaluni sannaviusoq sakkortuumik ikuallattoq, unnuap ingerlanerani nammineerluni ikuallaleqqissimagaluarpoq, qatserisartunilli sukkasuumik qameqqinneqarsimavoq. Ikuallannermut pissutaasoq pillugu politiit suli paasiniaapput.
Tallimanngornermi ullaakkut Kangerlussuarmi sakkortuumik illu ikuallalluni aallartippoq. Ikuallanneq arfininngornerup unnuaani nammineerluni aallarteqqissimagaluarpoq, qatserisartunilli sukkasuumik qameqqinneqarsinnaasimavoq.
Assiliisoq: Pilunnguaq Johansen
Illuut Kangerlussuarmiittoq, pisiniarfittut affaalu sannavittut atorneqartoq, tallimanngornermi ullaakkut ikuallappoq.
Kalaallit Nunaanni Politiit nakkutilliisuutitaasa pisortaat, Poul Kreutzmann, oqarpoq politiit suli ikuallannermut pissutaasimasoq misissugarigaat.
Taassuma aamma oqaatigaa ikuallanneq unnuaq ingerlanerani nammineerluni ikuallaleqqissimagaluartoq, kisianni sukkasuumik qaminneqarsimasoq.
- Politiit ikuallaffik assersornikuuaat, Kangerlussuarmilu innuttaasunut kaammattuutigerusupparput assiaqusersuisimaneq ataqqeqqullugu, suli ikuallannermut pissutaasimasoq misissugarineqarmat, vagtchef Poul Kreutzmann Sermitsiamut oqarpoq.
Ikuallanneq sakkortusimammat Air Greenland aamma tallimanngornnermi kinguartoornernik annikitsunik pisoqartoq ilaasussamiut nalunaaruteqartariaqarsimavoq.
- Imaanngilaq mittarfippiaq arlaatigut ikuallannermut attuumassuteqarmat, kisianni mittarfiup qatserisartui atorfissaqartinneqarmata ikuallattup qaminniarnerani, piumasaqaataammallu timmisartuussinerit ingerlanneqarnerini qatserisartunik piareersimasoqassasoq, mittarfiup qatserisartuisa ulappunnerini kinguaattoortoqalaarsimassaaq Kalaallit Nunaanni Politiit nakkutilliisuutitaasa pisortaat, Poul Kreutzmann, nassuiaavoq.
