KFUM-imi sakkutuunut ikiuiniartartut Kangerlussuarmi
sakkutuunut angerlarsimaffimmik maajimi ammaapput.
Nunaqarfiup
Issittumi Tunngaviusumik Ilinniarfinngornikuunerata kingunerisaanik sakkutuunut
angerlarsimaffeqalerpoq.
KFUM-imi sakkutuunut ikiuiniartartut Kangerlussuarmi
sakkutuunut angerlarsimaffimmik maajimi ammaapput.
Nunaqarfiup
Issittumi Tunngaviusumik Ilinniarfinngornikuunerata kingunerisaanik sakkutuunut
angerlarsimaffeqalerpoq.
Danmarkimi
sakkutooqarfinni tamani sakkutuunut angerlarsimaffeqarpoq - maannalu aamma
Kangerlussuarmi. Illersornissaqarfik nunani tamalaani suliaqartillugu aamma
sakkutuunut angerlarsimaffeqartarpoq.
Sakkutuut
angerlarsimaffiat nutaaq nunaqarfimmi timmisartunit aqqusaarneqartartumi
Qeqqata Kommuniata illorsuaniippoq.
- Tassani
inuusuttut Issittumi tunngaviusumik ilinniarfimmi ilinniartut
illersornissaqarfimmilu sakkutuut allat kaffisoqatigiissinnaapput,
iffiugartorsinnaapput, pinnguaatinik aliikkusersoqatigiissinnaapput,
naapitsisinnaapput sakkutuullu angerlarsimaffianni sammisartakkanut
nalinginnaasunut peqataasinnaallutik, soorlu marlunngornermi vaffelinik
sassaalliisoqarnerani, lagkagebankortoqarnerani unnukkullu naalagiatsiarnerni,
ilaatigut sakkutuup qinnutaanik atuffassisoqarnerani, Kasper Klarskov, nuliani
Maria peqatigalugu sakkutuut angerlarsimaffianni nutaami pisortaasoq
oqaluttuarpoq.
- Illersornissaqarfimmi
sulisut pingaarnertut sammisarpagut, aammali qaammammut marloriarluta
nunaqarfiup innuttaasuinut tamanut aaqqissuussiniartarpugut.
Kaffi
iffiukkallu
Qallunaat
sakkutuuisa angerlarsimaffii amerlanerit aamma nerisarfiusarlutillu
pisiniarfeeraqartarput, Kangerlussuarmili taamaanngilaq.
-
Nunaqarfimmi tassani amigaateqanngilaq, taamaammat nerisarfeqaranilu
pisiniarfeeraqanngilaq. Kaffi iffiukkallu kisiisa pigaagut – immaqalu aamma
sukkut tamaana nereqatigiittarnerit. Kangerlussuarmi arlaannik
sunneeqataarusuppugut, kisianni allanut unammillerusunngilagut, Kasper Klarskov
oqarpoq.
Aammattaaq
sakkutuut angerlarsimaffianni sinneqartoornissaq siunertarinngilarput,
taamaammat aaqqissuussinermi sinneqartoorutta illunut assigiinngitsunut
atorneqassapput - soorlu nipilersuutinut.
Sakkutuut
angerlarsimaffiat KFUM-ip Sakkutuunik ikiuisarfiata Issittumilu Sakkutooqarfiup
suleqatigiinnerisigut pilersinneqarpoq. Kalaallit Nunaanni suleqatigiinneq
aallaqqaammut ukiumi ataatsimi misiliutitut suliniutaavoq, tassanilu sakkutuut
angerlarsimaffiat 2025-mi novembarip qiteqqunnerata tungaanut ammassaaq.
Issittumili Sakkutooqarfiup KFUM-illu Sakkutuunut ikiuisarfiata ataavartumik
aaqqiissutissaqarnissaa isumalluarfigivaat.
-
Sumiiffimmut nutaamut qaaqqusaanerput tatiginninnertut isigaarput. Kalaallit
Nunaanni ammaanitsigut sakkutuut angerlarsimaffianni immikkut ittumik
peqatigiinneq aamma tassani neqeroorutigisinnaagatsigu taamaalillutalu
sakkutuut najugaannut uppernermik, qanimut attaveqarnermik tapersersuinermillu
pilersitseqqissinnaagatta nuannaarutigaarput, Kasper Klarskov oqarpoq.
Sakkutuut
eqqissisimaartarfiat
-
KFUM-ip sakkutuunut angerlarsimaffia Issittumi tunngaviusumik ilinniarfimmi
ilinniartunut eqqissisimaarfiuvoq. Ilinniarfik maannakkut atuagarsorfiulluni,
nerisarfiullunilu ineqarfiuvoq. Taamaammat ilinniartut maanna sunngiffimminni allamut ornigussinnaalermata
pitsaasuuvoq, kaptajn Simon Kokfelt, Issittumi Tunngaviusumik Ilinniarfimmi
pisortaq oqarpoq.
Kasper
aamma Maria Klarskov meeqqatik pingasut ilagalugit Kangerlussuarmut maajimi
nuupput, novembarillu tungaanut nunaqarfimmiiginnartussaallutik. Aalborgimi
sakkutuunut angerlarsimaffimmit ukiuni sisamangajanni
ingerlatsiffigisimasaminnit sulinngiffeqarput.
Aammattaaq
sakkutuut ilaasa ajornerpaamik pisoqassagaluarpat allakkanut
inuulluaqqussutinut imaluunniit kissaatiminnik allattuinermut atortarpaat.
Testamentitaaq
atuakkat sorsuffimmut nassarneqarsinnaasut ikittuinnaat ilagaat.
