Nuumminngaanniit
toqqaannartumik timmisartuussisarnerit aallartimmatali Tuukkaq Nuumminngaanniit
Kastrupimut tikikkaangat nassatat tunniunneqarnissaannut utaqqisitsisarneq Københavnip
Timmisartoqarfiata ajuusaarutigaa.
Nuummiit novembarip
29-ani timmisartuussinermi angalasut Københavnimut ilaqutseriartortinnatit
allamulluunniit ingerlaqqitsinnatik nassatanik tunniussisarfimmi akunnerni
marlunni utaqqisariaqarsimasut Sermitsiap matuma siuliani (Sermitsiaq 2024/49) allaaserineqarpoq.
Nuumminngaanniit
toqqaannartumik timmisartuussisarnerit aallartimmatali Tuukkaq Nuumminngaanniit
Kastrupimut tikikkaangat nassatat tunniunneqarnissaannut utaqqisitsisarneq Københavnip
Timmisartoqarfiata ajuusaarutigaa.
Kalaallit Nunaanniit tikittunut nassatanik tunniussisarneq nalinginnaasumiit arriinnerusoq takusinnaavarput.
Københavnip Timmisartoqarfiani tusagassiutinut atassuteqarnermi siunnersorti Astrid Skov Andersen
Nuummiit novembarip
29-ani timmisartuussinermi angalasut Københavnimut ilaqutseriartortinnatit
allamulluunniit ingerlaqqitsinnatik nassatanik tunniussisarfimmi akunnerni
marlunni utaqqisariaqarsimasut Sermitsiap matuma siuliani (Sermitsiaq 2024/49) allaaserineqarpoq.
- Tikittut taakkorpiaat
ilanngaaserisunit nakkutilliivigineqarnissaminnik toqqarneqarsimanerannik ulloq
taanna utaqqisitsingaatsiarneq pingaarnertut peqquteqarpoq – tamannalu
utaqqisitsingaatsiarfiusinnaavoq, Københavnip Timmisartoqarfiani tusagassiutinut
atassuteqarnermi siunnersorti Astrid Skov Andersen oqarpoq, taannalu Sermitsiap
kajumissaarineatigut Nuummiit timmisartuussinerni ullut siulliit 14-it
utaqqisitsisarnerit misissuiffigisimavai.
Nalinginnaasumiit
arriinnerusoq
– Kalaallit
Nunaanniit tikittunut nassatanik tunniussisarneq nalinginnaasumiit
arriinnerusoq takusinnaavarput.
– Nassatat 84
procentii minutsit 26-it iluanni tunniunneqareersimassasut Københavnip Timmisartoqarfiup
anguniagaraa. Kisitsisit anguniakkat timmisartuussinerit affaannaani
eqquutsinneqarsimasut ulluni kingullerni 14-ini misissuinerit takutippaat,
tamannalu angalasunut pineqartunut soorunami ajuusaarnarpoq.
– Nassatalerinermik
ingerlatseqatigiiffiit nassatat nalunaarsorneqartut isumagissallugit
akisussaaffigaat, nassatalerisartullu malittarisassat atuuttut, matumani
utaqqisitsineq sullissinerlu, pillugit ataavartumik oqaloqatigisarpagut. Nassatalerisut
attuumassuteqartut ulluni kingullerni 14-ini kisitsisit tunngavigalugit
utaqqisitsisarneq qanoq sivikillisinneqarsinnaasoq pillugu
oqaloqatigiumaarpagut.
Timmisartumiit busserneq
Sermitsiaq angalasunit
Tuukkami ilaasunik busisnik nassatanik tunniussisarfimmukaassisussanik
utaqqisimasunit saaffigineqarsimavoq.
- Bussinut atatillugu
bussit siulliit timmisartup uniffissaminut apuunneraniit kingusinnerpaamik
minutsit marluk qaangiukkaangata apuussimasassasut anguniagaqarpugut. Timmisartuussinerit
98,8 procentiini tamanna eqquuttarpoq, tusagassiutinut attaveqarnermut
siunnersorti ilisimatitsivoq.
Kastrupimi
ajornartorsiornermut pissutaasoq tassaavoq Nuummi mittarfiup
isumannaallisaanermut immikkoortumut 2-mut akuerisaanera, taamaalilluni
mittarfimmi akunnittarfimmut isertoqarsinnaajunnaarluni timmisartumillu allamik
ingerlaqqinniaraanni isumannaallisaanermut misissuisoqaqqittariaqarluni. Air
Greenlandip ilaasut maannakkutut B10-mi niusinnaajunnaarpai, taarsiullugulu
nassatanik tunniussinermut toqqaannartumik ingerlateqqittariaqartarpai.
Aappaagu aasakkut Nuummi
mittarfik One-Stop-Securitymik taaneqartartumut akuerineqarumaartoq Greenland
Airportsip neriuutigaa. Taamanikkussamut Air Greenlandip ilaasut B10-mi
niussinnaalissavai – ilaasullu allamut ingerlaqqittut nassatanik tunniussinermut
isumannaallisaanermullu nakkutilliinermut piffissamik atuivallaanngitsumik
angalasinnaanngussapput.
