KNR-imi pisortaq angerlartitaagallartoq
KNR-imi pisortaq, Annga Lynge pisortatut atorfimminiit peersitaagallartoq, KNR nittartakkamini allappoq. KNR-imi siulersuisut immikkut ittumik ataatsimeereersullu tamanna pivoq.
Qeqqata Kommunia
KNR-imi pisortaq angerlartitaagallarpoq, taama KNR nittartakkamini allappoq.
KNR-imi siulersuisut immikkut ittumik tallimanngornermi januaarip ulluisa 31-anni ataatsimiipput.
Tassani sulisut sulinerminni naammagisimaarinninnerannut kisitsisit appasingaatsiarnerannut tunngatillugu pisortaq isornartorsiorlugulu sukannersunik piumasaqaateqarfigineqartussaalluni.
Siulersuisulli pisortaq angerlartikkallarniarlugu aalajangersimappit.
Sermitsiap siulersuisut itinerusumik apersorusullugit attaviginiarsaraat.
KNR-imi sulisoqarniarneq siornali ukkatarineqarpoq, tassani sulisut pisortallu tusagassiorfimmi atukkat, aningaasarsiaqarneq aqutsinerlu pissutigalugu soraarniuteqarmata.
Annga Lynge KNR-imi septembarip aallaqqaataani 2023-imi atorfinippoq.
