Kokainimik suliami angisuumi, Eqqartuussisoqarfik Sermersuumi ingerlanneqartumi, ilisimannittut arlallit sapaatit akunnerani matumani oqaluttuartinneqarput. Anngiortumik eqqussisimasut marluk, arnaq angullu, 2024-mi pineqaatissinneqarnikut ilaatigut malinnaavigaavut.
S kokainimik anngiortumik eqqussinerni marlunni iluatsinngitsuni suleqataasuusoq unnerluussisoq isumaqarpoq. Taakku marluk ukiuni sisamani affarmilu pineqaatissinneqarsimasunut inissiisarfimmiittussanngortitsinermik kinguneqarput.
Kokainimik suliami angisuumi, Eqqartuussisoqarfik Sermersuumi ingerlanneqartumi, ilisimannittut arlallit sapaatit akunnerani matumani oqaluttuartinneqarput. Anngiortumik eqqussisimasut marluk, arnaq angullu, 2024-mi pineqaatissinneqarnikut ilaatigut malinnaavigaavut.
S kokainimik anngiortumik eqqussinerni marlunni iluatsinngitsuni suleqataasuusoq unnerluussisoq isumaqarpoq. Taakku marluk ukiuni sisamani affarmilu pineqaatissinneqarsimasunut inissiisarfimmiittussanngortitsinermik kinguneqarput.
UNNERLUUSSUTIT
S 44-nik ukioqarpoq Odensemilu inunngorsimalluni. S-ip ukiuni qulini pineqaatissinneqarnissaa unnerluussisumit kissaatigineqarpoq. S unnerluutigineqarpoq kokainimik katillugit 488,5 gramimik cannabisimillu naatitsinermut peqataasimasutut unnerluutigineqarluni. Taanna pisuunnginnerarpoq.
N 37-nik ukioqarpoq Nuummilu inunngorsimalluni. N-ip ukiuni sisamani pineqaatissinneqarnissaa unnerluussisumit kissaatigineqarpoq. N unnerluutigineqarpoq 112 gramimik kokainimik tigummiaqarsimasutut, taannalu S-imit tuniniagaassatut pissarsiarisimassaagaa ilimagineqarluni. Unnerluutigineqartup taamaattoqannginnerarpaa, kisianni 30 gramimik nammineq atugassarisimanerakkaminik pisinini nassuerutigaa.
Ikiaroonartulerinermut tunngatillugu unnerluutigineqarnermik saniatigut angutit pineqartut tamarmik immikkut unnerluutigineqarputtaaq sioorasaarisimasutut, taamatuttaq N tarnikkut persuttaasimasutut unnerluutigineqarpoq. Unnerluussissutaasunut aamma taakkununnga pisuussuteqannginnerarput. Eqqartuussineq sioqqullugu tamarmik Nuummi pineqaatissinneqarsimasunut inissiisarfimmi tigummineqarput.
Arnaq tusarfigereeratsigu angut tullinnguuppoq.
Angut 30-t sinnerlugit ukiulik kokainimik 167,5 gramimik timianiittoqartoq Ilulissanukaartillugu Kangerlussuarmi ilanngaaserisunit 2024-mi juunip 17-iani unitsinneqarpoq. Taanna Ilulissani pineqaatissinneqarsimasunut maanna inissiisarfimmiippoq videokkullu peqataalluni.
Oqarasuaat angallattagaq atorlugu angut Ilulissaneersoq allallu attaveqatigisimanerat pillugu killisiorneqassaaq. App-i Signal attaveqatigiinnernut paasiuminaallisaataasartoq aamma atorneqarpoq.
Signalimi attaveqarfigineqartasimasup Kinamiu isiginnaartitsisartup aqqa atorpaa: Jackie Chan.
Eqqaamasai killeqartut
Unnerluussisoq Brian Viholt profili taanna unnerluutigineqartup S-ip atugarigaa soorunami isumaqarpoq. Ilisimannittulli tamanna uppernarsanngippagu unnerluussisup ateq taanna atortariaqarpaa. Jackie Chan taamaammat eqqaaneqaqattaartorujussuuvoq.
Ilisimannittorli uppernarsagassaqarpallaanngisoq ingerlaannaq paasinarsivoq.
S-i ilisarisimasaralugu uppernarsarpaa. Qanoq sivisutigisumik ilisarisimasarinerlugu eqqaamanngilaa. Killisiorneqarnermi sivisunerpaartaa talini paarlatsillugit issiavoq. Timmisartumut billitsit, inuit, aningaasat apeqqutillu allat pillugit assigiipajaamik akissuteqartarpoq:
- Eqqaamasinnaanngilara.
- Taanna aamma eqqaamanngilara.
– Naamik. Qangalili pisoq pimmat eqqaamanngilara.
Angut taamanikkut pikkunartorsiorsimanini utoqqatsissutigaa. Eqqaamasinnaasai sunnerneqarsimapput.
Taamaattumik angutip 2024-mi juunip 17-iata missaani Jackie Chanilu oqarasuaatikkut qanoq oqaloqatigiissimanerlutik nassuiarsinnaanngilaa. Kangerlussuarmi ulloq taanna tigusarineqarfimmini.
