Kommune
Qeqertalimmi kommunalbestyrelsimut qinersinissamut atatillugu sapaatiummat 23.
marts Aasianni katersortarfimmi qinersisartunik ataatsimiisitsisoqarmat,
Kommune Qeqertaliup 2018-imi pilersinneqarneranut atatillugu ingerlatsinermi aaqqissuussaaneq Kalaallit Nunaani
kisiartaalluni atorneqartoq oqallisigineqartunut pingaarnernut ilaavoq.
Ingerlatsinermi
aaqqissuussaanerup allanngortinneqarnera ilutigalugu allaffissornermi aqutsineq
nutaaq aamma taamanikkut atuutilersinneqarpoq, tamannalu innuttaasunik sullissinerup
ajorseriarneranik kinguneqarsimasoq, atorunnaarsinneqartariaqartorlu partiit
amerlanerussuteqartut isumaqarput.
Kommune
Qeqertalimmi kommunalbestyrelsimut qinersinissamut atatillugu sapaatiummat 23.
marts Aasianni katersortarfimmi qinersisartunik ataatsimiisitsisoqarmat,
Kommune Qeqertaliup 2018-imi pilersinneqarneranut atatillugu ingerlatsinermi aaqqissuussaaneq Kalaallit Nunaani
kisiartaalluni atorneqartoq oqallisigineqartunut pingaarnernut ilaavoq.
Ingerlatsinermi
aaqqissuussaanerup allanngortinneqarnera ilutigalugu allaffissornermi aqutsineq
nutaaq aamma taamanikkut atuutilersinneqarpoq, tamannalu innuttaasunik sullissinerup
ajorseriarneranik kinguneqarsimasoq, atorunnaarsinneqartariaqartorlu partiit
amerlanerussuteqartut isumaqarput.
Sakkortuumik
isornartorsiorneqartoq
Qinigaaffiit
kingulliit marluk Inuit Ataqatigiit Ane Hansen siuttoralugu, Kommune
Qeqertalimmi politikkikkut aquummik tigumminnittuupput, piffissamilu tassani ingerlatsinermi
aaqqissuussaaneq nutaaq, ilaatigut pisortat innuttaasullu imminnut
qaninnerulernissaannik siunertaqartaqartoq atuutilersinneqarpoq.
Ukiulli
taakku ingerlanerani pisortat innuttaasullu imminnut ungasinnerulersimasut,
tamatumalu kingunerisaanik innuttaasunik sullissineq ajorseriarsimasoq,
kommunalbestyrelsimi illuatungiliuttuniit Siumumiit oqariartuutigineqartarpoq.
Kisiannili ingerlatsinermi aaqqissuussaaneq nutaaq unitsinneqarani ukiuni
arlalinni ineriartortinneqartariaqartoq, Ane Hansenip isornartorsiusunut
akissuteqarluni arlaleriarluni oqaatigisarpaa. Tamannali Inuit Ataqatigiit kommunalbestyrelsimi
ilaasortaatitaasa pingasut tassaasut Aqqa Samuelsen, Karl Thue Nathanielsen
aamma Frantz Lundblad akerleralugu ukiut kingulliit ingerlanerini Siumumut nuunnerannik
kinguneqarpoq. Kommunalbestyrelsimullu Aasianni qineqqusaarnermi ingerlatsinermi
aaqqissuussaanerup isornartorsiorneqaqisup atorunnaarsinneqarnissaa partiinit
amerlanernit kissaatigineqartoq erserpoq.
Atorunnaarsinneqassasoq
Ingerlatsinermi
aaqqissuussaanerup nutaap atuutilersinneqarneranut atatillugu
kommunalbestyrelsimi ataatsimiititaliat kommunilu aqutsiveqarfiit kalaallisut
atsersorneqarnikuupput tassaallutik Inua, Inoqarfik, Timi Tarnilu aamma Inuit,
taakkulu paasiuminaatsinneqarmata atorunnaarsinneqartariaqartut, siornatigullu
taagutineqarsimasut utertinneqartariaqartut Jens Vetterlain, Naleraq, isumaqarpoq.
- Allaffissornikkut
ingerlatsineq nutaaq inuppassuarnit paasineqarsinnaanngilaq, siornatigullu
atorneqarsimasup utertinneqarnissaa sulissutigissavarput, taanna oqarpoq.
Aaqqissuussaanerup
nutaap atuutilersinneqarneratigut innuttaasunik sullissineq
ajorseriarujussuarsimasoq, Maritha Broberg, Atassut, oqarpoq.
- Kommunimi
matunik matooraasoqarsimavoq innuttaasunillu sullissineq ajorluinnarpoq aammali
atorfilinnut atugassarititaasut ajorseriarsimapput. Innuttaasunik sullissineq
pitsaanerulissappat matut ammaqqittariaqarpagut, taanna oqarpoq.
Kommunimi
ingerlatsiviit soorlu isumaginninnermut, teknikkeqarnermut, sanaartornermut
assigisaannullu tunngasut pilersinneqarnissaat sulissutigineqassasoq, Aqqa
Samuelsen, Siumut, oqarpoq.
- Allaffissornikkut
politikkikkullu aaqqissuussaaneq allanngortissavarput. Partiini kisiartaalluta aaqqissuussaanerup
nutaap qanoq ittuunissaa tamaat pilersaarusioreernikuuarput, taannalu
qinigaaffimmi tullermi partiit allannguinissamik siunertaqartut suleqatigalugit
piviusunngortinneqassaaq, taanna oqarpoq.
Atorunnaarsinneqassanngitsoq
Ingerlatsinermi
aaqqissuussaaneq maannakkut atuuttoq ingerlatiinnarneqassasoq, taamaattorli
aaqqitassaqartoq, Søren Olsvig, Inuit Ataqatigiit.
- Takusinnaavarput
aaqqitassartaqarpoq, kisianni allaffissornikkut aaqqissuussaaneq maannakkut
atuuttoq ukiuni tulliuttuni sisamani ingerlateqqinnissaa aalajangiusimavarput,
taanna oqarpoq.
Ingerlatsinermi
aaqqissuussaaneq pitsaaqutitaqartoq Aqissiaq Semsen, Demokraatit isumaqarpoq.
- Siullermik
kommunimi atorfilittat illersorneqarnissaat pingaarnertut
qulakkeerneqartariaqarpoq. Illoqarfiit bychefeqarnerat områdeledereqarnerallu
innuttaasunut attaveqarnerup qaninnerulerneranik kinguneqarsimavoq,
aaqqissuusseqqittoqassappallu innuttaasut peqataatinneqartariaqarput, taanna
oqarpoq.
Kommune
Qeqertalimmi kommunalbestyrelsimut ilaasortat 15-iupput.
