Kommunimi sulisussanik suli amigaateqartut: Inunnik isumaginnittut ilungersorput
Qeqqata Kommuniani Atugarissaarnermut immikkoortortaqarfik sulisussanik amigaateqarpoq. Inunnik isumaginninnermi siunnersortit sullissisullu atorfimminniit soraaqqammerput, atorfinittussanik nutaanik taartaasussanillu suli atorfinitsitsisoqanngitsoq, Paneeraq Olsen, Atugarissaarnermut immikkoortortaqarfimmi pisortaaneq paasissutissiivoq.
- Maannamut suli atorfinitsitsinngilagut oqaloqateqarpugulli, Paneeraq Olsen, Qeqqata Kommuniani Atugarissaarnermut pisortaanerusoq oqarpoq.
Leiff Josefsen
Qeqqata Kommuniani Atugarissaarnermik immikkoortortaqarfik inunnik isumaginninnermik siunnersortit sullissisullu amigaataapput.
Angerlarsimaffimmi ikiortit ningiuat, immikkoortortami sullissisoq, atugarissaarnermi immikkoortortaqarfimmi pisortaq kiisalu meeqqanut inunnik isumaginninnermi siunnersortit pingasut atorfimminniit soraaqqammerput.
- Ulloq unnuarlu angerlarsimaffinnut inissinneqarsimasunut sullissisut suliat katillugit 54-ipput inunnut pingasunut agguataaqqasut massakkullu marlunnut avinneqarlutik.
- Assersuutigiinnarlugu erngumaatinik tigoqqaasut sullissisut sullissisumut ataatsimut 55-it missaaniipput. Suliassaq apeqqutaasarpoq qanoq ittoq tiguneqarnersoq nalilersuisoqartarpoq, tassani aalajangerneqartarpoq sullissisut marluutissaneraat imaluunniit kisermaallugu naammannersoq, sagit suliassaqarfiusut tiguneqartut assigiinngissitaartarmata nalilersuineq ingerlasarpoq, Paneeraq Olsen Sermitsiamut oqarpoq.
Maannamut ulloq unnuarlu angerlarsimaffinnut inissinneqarsimasunut sullissisut amigalernermut eqqugaanerpaapput. Sapinngisarli tamaat malunniutaata annikinnerpaartaaniitinniarlugu aqutsisoq saginik tigusisartoq agguaassinerlu ingerlattaraa, Paneeraq Olsen ilisimatitsivoq.
- Maannamut suli atorfinitsitsinngilagut oqaloqateqarpugulli, Paneeraq Olsen naggasiivoq.
