Inatsisartunut qinersineq naammasseqqammiinnartoq
qinersiartoqqittussanngorpugut.
Apriilimmi aallaqqaataanni kommunimut
qinersisoqassaaq – qinersisartullu qinersiartoqqissallutik.
Inatsisartunut qinersineq naammasseqqammiinnartoq
qinersiartoqqittussanngorpugut.
Apriilimmi aallaqqaataanni kommunimut
qinersisoqassaaq – qinersisartullu qinersiartoqqissallutik.
Tamatumuuna kommunalbestyrelsinut, nunaqarfinni aqutsisunut ilagiillu
sinniisaannut.
Sermitsiap
kommunit inuussutissarsiortullu suleqatigiinnerat sapaatip akunnerini
tulliuttuni sammissavaa. Najukkami politikimi annikitsualuit
angusaqarfiusarput akerleriissuteqalersitsisarlutilluunniit. Aamma
oqallisigineqartunit angisuunit Inatsisartunut qinersinissaq
sioqqullugu oqallisigineqartunit apeqqutit allarluinnaasinnaallutik.
Ilaatigut
Sulisitsisuneersut sinerissamit tamarmeersut oqaloqatigissavavut –
najukkani assigiinngitsuni suleqatigiilluartoqarnersoq paasiniarlugu,
allat tamakku ilinniarfiginiassammatigik – aamma
isumaqatigiinnginnerit annerit suut isumaqatigiinngissutaanersut
paasiniarlugit.
Qineqqusaarneq
aallartereersoq
Qineqqusaarnermut
nutaamut aallartittoqareerpoq. Sulisitsisuni pisortaq Christian
Keldsen aallarniivoq. tunuarpoq. Taassuma pingaarnertut
ineriartortitsineq, nunaminertat pilersaarusiorneqarnerat aamma
avatanit suliartortitanut tunngasut unammillernartutut isigai.
- Kommunimut
qineqqusaarnermi kissaatigisara tassaavoq nunaminertanik
sanaartorfissanik pitsaanerusunik sukkanerusumillu
pissarsisoqarsinnaalernissaa, ilaatigut taamaalilluta
takornariartitsinermi periarfissat
piviusunngortinneqarsinnaaniassammata. Mittarfinnut pilersaarutit
kommunini pilersaarutit malissavaat, Christian Keldsen oqarpoq.
- Kommunit aamma
sulisussanik tikisitsisarnermut akuersissuteqarnermi
unammilligassaqarput, tamatumanilu pitsanngorsaanissaq
kissaatigaarput. Sullissinerup sivisuallaartarnera kikkunnut tamanut
ajornartorsiutaavoq – ingammik suliffeqarfinnut mikisunut
akunnattumillu angissusilinnut.
Pingaarutilerujussuaq
Christian Keldsen
isumaqarpoq inuussutissarsiortut kommunini politikikkut
aalajangiisartunut qaninnerulertariaqartut.
- Suliffeqarfiit
namminersortut naleqarnerulersitsisarput akileraarutitigullu
isertitaqarnermik pilersitsisarlutik. Tamanna kommunit
aningaasaqarnerannut najukkamilu suliffissaqartitsinermut
pingaaruteqarluinnarpoq, taamaattumik kommunit inuussutissarsiortullu
akornanni pitsaasumik qanittumillu suleqatigiittoqartariaqarpoq.
Kommunit ilaat najukkani immikkoortortaqarfitsinnik qanimut
suleqateqarput, assersuutigalugu inuussutissarsiornermut
siunnersuisoqatigiinni. Tamanna annertusarlugulu
ineriartortikkusupparput, taamaalilluni inuussutissarsiortut
politikikkut aalajangiinernut qanimut peqataatinneqartarniassammata.
- Kommunimi
inuussutissarsiornermut politikip ineriartortinneqarneranut
peqataanissarput pingaaruteqarpoq, anguniakkallu qanoq
piviusunngortinneqarnissaannut oqaloqatigiinnissamut
piareersimajuaannarpugut.
- Nuna
tamakkerlugu politikki assigalugu kattuffittut ineriartornermut
peqataarusuppugut – soorunami aamma nunaminertanik atuisarneq
pillugu oqallinnermut pingaarutilimmut atatillugu, Christian Keldsen
erseqqissaavoq, naggataatigullu oqaatigalugu nuna tamakkerlugu
politikimi sammisat pingaarutilerujussuit sammineqarsimasut, maannalu
kommunit innuttaasunut qanittunik suliniutinik ersarissumik
saqqummiussinissartik pisussaaffigigaat.
