KL

DK

Kunngi Nuummut tikippoq

Kunngip Frederiup Kalaallit Nunaannut tikeraarnera ullumik ataatsimik kinguaattoorluni aallartippoq.

Kunngi Frederik Jens-Frederik Nielsenilu mittarfimmi.
Hanna Hviid Hanna Hviid Tusagassiortoq
Saqqummersinneqarpoq

Kunngip Frederiup timmisartua Nuummut meqqammerpoq, Naalakkersuisut siulittaasuat Jens-Frederik Nielsen (D) aamma ilaasuuvoq.

Jens Frederik Nielsen siulliulluni timmisartumit niuvoq, kunngilu kingorna niulluni.

Kunngi Kalaallit Nunaannut ullualunni tikeraassaaq, pilersaarutilli allanngormata Nuummiiginnassalluni.

Kunngi Frederik Nuummut marlunngornermi ullaap tungaani tikippoq.

Danskit illersornissamut ministeriat Troels Lund Poulsen (Venstre) peqatigalugu Station Nord tikeraartussaagaluarpaa, tamatumalu kingorna Siriuspatruljen peqatigalugu angalaartussaagaluarluni. Silarlunnera pissutaalluni pilersaarutit taakku taamaatiinnarneqarput.

Kunngip Frederiup tikeraarnissaanut pilersaarutit aappassaannik allanngortinneqarpoq. Kunngi Frederiup Jens-Frederik Nielsenillu ippassaq unnukkut nalunaaqutaq 19.30-mut tikittussaagaluarput, Nuummili anorersuarnissaa pissutigalugu taamaatiinnarneqarluni.

Nuup eqqaanut Kapisilinnukaannissaq ullumi pilersaarutaagaluarpoq, tamannali Nuup Kangerluanut angalaartoqarnissaannut allanngortinneqarpoq. Tamatuma kingorna Katuami ualikkut nal. pingasunut kaffillertoqassaaq.

Kunngi Ilisimatusarfimmi uummassusililerinermik ilinniarfimmut SILA-mut pulaassaaq. Danmarkimut qaqugu utissanersoq suli tamanut saqqummiunneqanngilaq.

jens-frederik nielsen inuiaqatigiit kunngi frederik nuuk kunngip tikeraarnera station nord

Atorfiit tamaasa takukkit

– Se alle jobs

Powered by Labrador CMS