Kunngi seqinnarissuup ataani angalaarnerminni suluppaakkamik pisaqartoq

Seqinnerissuup ataani Nuup Kangerlua angalaarfissaqqipput.

Kunngip Jens-Frederik Nielsen peqatigalugu Sermitsiaq kaajallallugu angalaarput.

Issittumi Sakkutooqarfiup umiarsuaa Knud Rasmussen Nuup kangerluani sanioqquppaat.

Iluliamerngup eqqaani unillatsiarnerminni Jens-Frederik Nielsen kunngilu Frederik angallammit anillallutik qungujulallutik tusagassiortut aalateripput.

- Isumakuluffiunngilaq

Kunngi qanoq innersoq aperineqarami ima akivoq:

- Maaniitsilluni isumakuluffiunngilaq.

Kunngi Frederik Jens Frederik Nielsenilu Sermitsiami kuussuup eqqaani unillatsiarlutik aalisarput.

Aalisarusaarneranni illaqattaarpaluk tusaarneqarsinnaavoq.

Kunngi suluppaakkaamik aappillarimmik amusivoq, pisanilu kusanartoq tulluusimaarluni takutillugu. Naalakkersuisulli siulittaasuat taama iluatsitsitiginngilaq.

Taakku Kapisilinnut tikeraartussaagaluarput, kunngilli tikinnissaa kinguaattoorfiummat tikeraarnissaraluaq taamaatinneqarpoq. Katuami kaffillernissaq pisussani tullinnguuppoq.