Kunngip pilersaarutai ilasut – Kim Kielsenimut neriartussasoq

Kunngip Frederiup Kalaallit Nunaannut tikeraarnerani pisussat pingasunngornermi nanginneqarput. Inatsisartut siulittaasuat Kim Kielsen ilaatigut ulloqeqqasioqatigissavaa.

Naalakkersuisut siulittaasuat Jens-Frederik Nielsen (D) aamma kunngi Frederik marlunngornermi kangerlummut umiatsiamik angalapput.

Assi: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 30. Apriili 2025 - 08:56

Ussassaarut

Kunngip Station Nordimut tikeraarnissaa sila pissutigalugu taamaatiinnarneqartoq marlunngornermi ullaap tungaani nalunaarutigineqarpoq.

Kunngillu Nuummut tikeraarnerani pisussat maanna ilaneqarput.

Tamanna kunngikkormiut nittartagaanni ullorsiutini nutartikkami takuneqarsinnaavoq.

Kunngi marlunngornermi ullaap tungaani tikippoq, Ilisimatusarfimmullu pingasunngornermi nal. 8.30 pulaassaaq. Taanna pilersaarutaareernikuuvoq.

Maannalu aamma pilersaarutit nutartikkat naapertorlugit nalunaaqutaq 11.30 kunngi Inatsisartut siulittaasuannit Kim Kielsenimit (S) ulloqeqatigineqassaaq.

Kunngip ullormut pisussat naggaserlugit Imarsiornermik Ilinniarfik pulaassavaa.