- Landsrådimut
ilaasortaasartut 200-t sinneqartut piffissap ingerlanerani ilaasortaasarsimapput. Taamaalillutik
innuttaasut ilarpassuisa aatakkui aataqqiutaallu ilaasortaasarsimapput, taamaattumik
atuakkamik taamaattumik, siuaasat pillugit ilinniarfiusussamik
tunissuteqarusuppunga.
Kenneth Wehr
25-nik ukiulik Københavnip Universitetiani kalaallit oqaasiinik Issittumilu
ilisimatusarnermi kandidatinngorsimasoq taama oqarpoq.
- Landsrådimut
ilaasortaasartut 200-t sinneqartut piffissap ingerlanerani ilaasortaasarsimapput. Taamaalillutik
innuttaasut ilarpassuisa aatakkui aataqqiutaallu ilaasortaasarsimapput, taamaattumik
atuakkamik taamaattumik, siuaasat pillugit ilinniarfiusussamik
tunissuteqarusuppunga.
Kenneth Wehr
25-nik ukiulik Københavnip Universitetiani kalaallit oqaasiinik Issittumilu
ilisimatusarnermi kandidatinngorsimasoq taama oqarpoq.
Qaammammi
tulliuttumi Nuummukassaaq, neriuutigalugulu katersugaasiviup allagaateqarfiani
toqqortanik misissuisinnaassalluni.
Aasaanerani
tikeraarnermini siunertaa erseqqippoq: Landsrådimut ilaasortaasarsimasut
pillugit paasissutissat pissarsiarerusuppai, soqutigilluinnakkani tassa
landsrådet atuunneranni piffissaq pillugu atuakkiornissaminik
pilersaaruteqarami.
Tassami Kenneth
Wehr Nunatsinnut kulturitsinnullu asannittorujussuugami, taakkualu
tammatsaaleqataaffiginissaannik kissaateqarami.
Kenneth Wehr
Tysklandimeersuuvoq maannalu ukiut qulingajaat ingerlaneranni Nunatsinnik soqutiginnilluinnarluni. Umiarsuarmik
takornariartaammik Aida-mik aanani ilagalugu angalaqqaaramili Nunarput
soqutigilluinnalerpaa. Angalanini ima killinneqaatigitigaa, qallunaat
oqaasiinik ilinniarniarluni aalajangerluni, kingornalu kalaallisut
ilinniarusulluni.
- Aamma kalaallit
oqaasii ilikkarpakka, oqarpoq.
Amerlasuut
angutitut inuusuttunnguatut Nunarput pillugu misissueqqissaaqqaarluni Tyskisut Wikipediami allaaserisanut 2000-it
sinneqartunut allassimasutut ilisimagunarpaat. Danmarks Nationalleksikonimit
(lex.dk) qanittukkut aamma sulisussarsiarineqarpoq, leksikonip Nunarput pillugu
sammisarpassuinut isumaginnittussanngorlugu.
Oqaatsit
imaqanngitsut
Kandidatitut
ilinniarnini naammassigamiuk, nammineerluni suliffiutiminik mikisumik
aallartitsivoq siuaasanik ilisimatusarnermut piginnaanini neqeroorutigalugit
nunallu assinginik tuniniaalluni. Paasisaammi naapertorlugit tamakku
amigaataammata, amigaataasullu taakku pikkoriffigigamigit,
iliuuseqarfiginiarlugit aalajangiuppaa.
Taamaanngitsorli
paasinarsivoq. Suliffiutaani susoqanngilluinnarpoq. Siuaasanik
paasiniaarusuttunik inniminniisoqanngilaq aamma nunap assingi marluinnaat
tunisinnaasimavai.
Taama pisoqarpoq
naak — ilumoortumik oqaatigalugu — matunut kasuttortarsimagaluartoq
pisiniarfiit, oqartussaasut inuillu oqaloqatigisarsimagaluarai.
Ajornanngitsunnguanut
allaat, soorlu e-mailit nassiussortagai, akineqarneq ajorput.
- Kalaallit
Nunaanni oqartussaasunut saaffiginnissutaasaraluartut akineqarneq ajorput.
Tamanna nikallornartorujussuuvoq! Taama sulisoqarsinnaanngilaq, oqarpoq.
Nukissaarutilerpoq
allanillu ikiorneqarneq ajorluni.
Kalaallit Nunaata
kulturini pigiinnarniarnerlugu nukittorsarlugulu, imaluunniit tamakku
oqaasiinnaappat imaqanngitsut, aperivoq.
