KL

DK

Lars-Emil Johansen Lars Møller-Sørensenilu peqquserluttuliorsimasutut pineqaatissinneqarput

Unnerluutigineqartut marluk peqquserluttuliorsimasutut oqartussaassutsimillu atornerluisimasutut Eqqartuussisoqarfik Sermersuumi pingasunngornermi ualikkut pisuutinneqarput.

Lars-Emil Johansen aamma Lars Møller-Sørensen ulluni kingullerni peqquserluttuliorsimasutut unnerluutigineqarput.
Morten Okkels Tusagassiortoq
Saqqummersinneqarpoq

Politikeriusimasoq Lars-Emil Johansen aamma Lars-Møller Sørensen ulluni pingasuni eqqartuussaareersullu pingasunngornermi ualikkut eqqartuussut saqqummiunneqarpoq.

Taakku marluk peqquserlussimasut oqartussaaffimmillu atornerluisimasut immikkut qaammatini arfinilinni pineqaatissinneqarsimasunut inissiisarfimmiittussanngortinneqarput.

Naalakkersuisunut siulittaasuusimasoq Kommuneqarfik Sermersuumi kommunaldirektøriusimasumit siunnersortitut atorfinitsinneqarnera suliami pineqarpoq.

Unnerluussisut naapertorlugit Lars-Møller Sørensenip unioqqutitsilluni Lars-Emil Johansen aningaasarsisarnissaanik ukiorsimavaa.

Unnerluutigineqartut tamarmik pinerluuteqaqqissagaluarunik ukiumi ataatsimi pinerluuteqarsimasunut inissiisarfimmiittussanngortinneqassasut unnerluussisup piumasaraa, eqqartuussisulli Stine Dana Lyngep eqqartuussisullu allat piumasaqaat sakkortusivaat ukiullu affaani pinerluuteqarsimasunut inissiisarfimmiittussanngortillugit.

Eqqartuussisoq oqarpoq taakkua marluk peqatigiillutik ingasattumik peqquserluttuliorsimanerat eqqarsaatigisariaqartoq.

Lars Møller-Sørensenip taamaaliornermigut Kommuneqarfik Sermersuumi atorfini sakkortuumik atornerlussimavaa.

Suliaq inunnik ilisimaneqarluartunik, soorlu borgmesteriusimasunik, aningaasaqarnermut naalakkersuisuusimasunik, kommunimi pisortap tulliata aamma naalakkersuisoqarfimmi pisortap ilisimannittutut eqqartuussivimmi marlunngornermi sassartinneqarsimanerannik eqqaamaneqassaaq.

Illersuisut suliamut atatillugu oqaaseqarusunnatik tamarmik oqarput.

lars-emil johansen lars møller sørensen kommuneqarfik sermersooq inuiaqatigiit sermersooq kredsret nuuk samfund

ATORFIIT Se alle jobs

Powered by Labrador CMS