Lottortartoq Nunatsinneersoq angisuumik eqquisoq
8 millionit koruunit lottomi eqqorneqartut, Sisimiuni lottortartup iluanaartup eqqorpai.
Lottomut eqquiniut ajugaassutigineqartoq, Sisimiuni pisiarineqarpoq.
Assi: Dorthea Reimer-Johansen
Arfininngormat
lottomi makitsisoqarmat, aningaasarpassuit eqqorneqartut 8 millionit koruunit,
Nunatsinni lottortartumit eqqorneqarput.
Danske Spil
taama ilisimatitsissuteqarpoq.
Ajugaasup
eqquiniut Sisimiuni Brugsen Kussangasumi pisiarisimavaa. Taassuma taamaalilluni
aningaasarpassuit akileraarusigassaanngitsut 8 millionit koruunit
aningaaserivimmi kontominut nakkarnissaat qilanaariinnarsinnaanngorpaa.
- Lottortartunut
eqquisunut nuannaartunut Kunngeqarfimmit tamarmeersunut eqqukkanik agguaasarneq
nuannersuuvoq. Aamma Danske Spil-imi lottortarfiutitsinni eqquisoqartillugu
tamatigut nuannaarutigisarparput, Danske Lotteri Spil-imi pisortaaneq Malene
Mølgaard oqarpoq.
Danske
Spil-imit oqaatigineqartut naapertorlugit, oktobarip 7-ianni 1989-imili
arfininngornerit tamarluinnaasa unnukkut lottomi kisitsisinik
makitsisoqartarpoq. Eqqugassaq pingaarneq tamatigut minnerpaamik 8.000.000
koruuniusarpoq.
