POLITI
Meeqqamik atoqateqarsimasutut pineqaatissinneqartoq
Angut 21-inik ukiulik Aasianneersoq meeqqamik 15-liineqanngitsumik atoqateqarsimasutut pisuutinneqarluni pineqaatissinneqarpoq. Angut piffissami tassani 16-inik ukioqarpoq, pinerlineqartorlu 12-inik tassani ukioqarluni.
Merete Lindstrøm
Angut 21-inik ukiulik pinerliinerup nalaani niviarsiaqqamik 12-inik ukiulimmik atoqateqarsimasutut pisuutinneqarluni Nunatta Eqqartuussisuuneqarfianit apriilip 19-ani pineqaatissinneqarpoq.
Angut Qaasuitsup Eqqarsuussiviani decembarimi 2023-imi eqqartuunneqarami pinngitsuunerarpoq pinngitsuutinneqarlunilu. Unnerluussut kingorna unnerluussisussaatitaasuniit Nunatta Eqqartuussisuuneqarfianut suliareqqitassanngortinneqarpoq. Tallimanngormallu eqqartuunneqarmat angut unnerluussut malillugu pisuutinneqarpoq.
- Meeqqanik 15-liineqanngitsunik atoqateqarneq inerteqqutaalluinnarpoq. Aamma meeraq akuersisimagaluarpalluunniit. Inuiaqatigiit soqutigisaraat meeqqat atornerlunneqannginnissaannut illersortussaallugit. Taamaattumik Nunatta Eqqartuussisuuneqarfianinngaanniit 21-inik ukiulik pisuutinneqarmat iluarisimaarpara, unnerluussisussaatitaasoq Cecilie Stürup Sørensen oqarpoq.
Angut ulluni 40-ini pineqaatissinneqarsimasut inissiisarfiannut inissinneqartussanngorlugu pineqaatissinneqarpoq. Pinerlineqartumullu 20.000 koruuninik taarsissussanngortinneqarluni.
Suliaq eqqartuussivimmi nunamilu tamarmi eqqartuussivimmi suliarineqareermat eqqartuussut inaarutaammat qullersamut suliassanngortinneqarsinnaanngilaq.
