Meeqqat quliugaangata ataaseq angerlarsimaffiup avataanut inissinneqarsinnaanermut utaqqisarpoq
Kalaallit Nunanni sullissisut amigaataanerat meeqqat angerlarsimaffiup avataanut inissinneqarnissaannik aalajangiisoqarnissaanik utaqqisut amerlanerannik kinguneqarpoq.
Modelfoto: Leif Josefsen
Meeqqat quliugaangata ataaseq sinnerlugu angerlarsimaffiup avataanut inissinneqarnissamik aalajangiisoqarnissaanut utaqqipput.
Kommuninut allagaatinik takunninnissamik piumasaqarnermit paasisat pillugit KNR allappoq.
Meeqqat angerlarsimaffiup avataanut inissinneqarnissaannik suliat katillugit 1573-it aalajangiiffigineqarnissaat utaqqineqarpoq, tusagassiorfillu naapertorlu taakku Kalaallit Nunaanni meeqqat 11,78 procenteraat.
Suliat 511-t ukiut arfineq-pingasut sinnerlugit pisoqaassuseqartut kisitsisit takutippaat.
Sullissisut amigaataasut
Sullissisut isumaginninnermillu siunnersortit amigaataanerat patsisaaqataavoq.
Danmarkimi atugarissaarnermut tunngasunik misissuisarfimmi Vive-meersoq Karen Margrethe Dahl taama naliliivoq. Pissutsit taassuma misissuiffiginikuuai.
- Isumaginninnermi siunnersortinik sullissisunillu naammattunik atorfinitsitsinissaq unammilligassaavoq, Ritzauimut oqarpoq.
- Ikittuinnaagaannilu suliassarpassuaqarneq uippakajaarnartarpoq, taava atorfimmiit tunuartarput. Kalaallit Nunaanni sullissisuni isumalluutit tassa amigaataapput.
Kalaallit Nunaanni isumaginninnermi siunnersortit sullissisullut katillugit 78-iusut, KNR allappoq.
Meeqqat angerlarsimaffiup avataanut inissinneqarnerannut suliat pingajorarterutingajaat ukiut arfineq-pingasut sinnerlugit pisoqaassuseqarput.
Inuuniarnermikkut ajornartorsiortut amerlasut
Kalaallit inuuniarnikkut ajornartorsiortorpassuuneranit angerlarsimaffiup avataanut inissiinissamut suliat amerlanerat patsiseqarsinnaasoq Karen Margrethe Dahl oqarpoq.
- Imigassartornerit angerlarsimaffimmilu kannguttaatsuliortoqartarnera annikilleriarnikuugaluartoq isumaginninnermi suliassat eqqarsaatigalugit unammilligassat suli amerlarpput, oqarpoq.
Kalaallit meerartaat Danmarkimiittut pillugit 2022-mi nalunaarusiaq taassuma saqqummersitseqataaffigaat.
Qallunaat meerartaat angerlarsimaffiup avataanut inissinneqartut 1 procentiugaangata kalaallit meerartaasa 6 procentiusartut nalunaarusiap takutippaa.
Kalaallit ilaqutariit inissisimanerisa ajornarsinnaasarnerat, oqaatsitigut unammilligassat, kulturilu pissutaalluni paatsoornerit nassuiaatissat ilagaat.
/ritzau/
