KL

DK

Mette tikeraartoq: Nuummi innuttaasunit tikilluaqquneqarluartoq

Nuummi maannakkorpiaq issingaatsiarpoq, kisianni siuttua tunuartussanngortoq, Múte aamma siuttunngortussaq Jens-Frederik kiisalu naalagaaffiup ministeriunera kissalaartumik ikinngutigiinnertik ersersilluarpaat, taakkulu Nuup aqquserngini ippassaq pisuttuarnerminni innuttaasunik ilassiuillualaavipput.

Inuit pingasut, imminnut nuannaralutik peqatigiittut, Naalakkersuisut siulittaasuugallartoq, Múte Bourup Egede (IA), Ministeriuneq Mette Frederiksen (Soc.dem) aamma Naalakkersuisut siulittaasunngortussaq, Jens-Frederik Nielsen (D)
Aamma persuarsiorpalaarnerullutik assilitipput.
Tusagassiortut danskit nunanilu allaneersut Nuummi takussaajualernikuupput ukiup aallartinneranili Trumpip nunatsinnik piginnittuulernissamik piumasaqaataa annertusiartoqqilermalli. Ministeriunerup Mútemik Jens-Frederimmillu ataatsimeeqateqarnissani sioqqutitsiarlugu sivikitsunnguamik apersorneqatsiarpoq.
Ministeriuneq Mette Frederiksen (S) Kalaallit Nunaanni Sulisitsisut kattuffiisa annersaannut pulaartoq, Naalakkersuisut siulittaasussaat Jens-Frederik Nielsen peqatigalugu.
Ministeriuneq Mette Frederiksen Nuummi innuttaasunut ilassuinissaminut piffissalerluarpoq.
Ministeriuneq Mette Frederiksen Nuummi innuttaasunik ilassinninnissaminut piffissaliilluarpoq.
Bussimik illoqarfimmik angalaarneq. Assimi ministeriuneq aamma Naalakkersuisut siulittaasunngortussaq takuneqarsinnaapput.
Ministeriuneq Mette Frederiksen (S) Issittumi Sakkutooqarfiup umiarsuaa alapernaarsuut Vædderen Múte Bourup Egede (IA) aamma Jens-Frederik Nielsen (D) peqatigalugit ikilersoq.
Jens-Frederik Nielsen aamma Múte Bourup Egede arlaannik takusaqarput Mette Frederiksenillu qaaqqusisuni alutoralugit isigigai.
Ministeriuneq Mette Frederiksen (S) Issittumi Sakkutooqarfiup alapernaarsuisartua umiarsuaq Vædderen, Múte Bourup Egede aamma Jens-Frederik Nielsen peqatigalugit Nuup eqqaani angalaarput qulimiguuliutaanullu ilaallutik angalaarlutik.
Jensine Berthelsen
TUSAGASSIORTOQ
Saqqummersinneqarpoq

Ministeriuneq Mette Frederiksen, Naalakkersuisut siulittaasorigallagaat, Múte Bourup Egede aamma Naalakkersuisunut siulittaasunngortussaq, Jens-Frederik Nielsen allaaserisap suliarinerata nalaani Issittumi Sakkutooqarfiup Arktisk Kommandop umiarsuaanut alapernaarsuummut Vædderenimut ilaallutik angalaarput.

Ullumi ualikkut nal. 16:00 missaani tikissapput ingerlatiinnarlutillu nikussutiinnarlugu tusagassiortunik naapitsissallutik. 

Pingasuullutik ippassaq aallarnerfigalugu imminnut najorput assillu takutippaat ikinngutigiilluartut tatigeqatigiilluartut.

Siunissami isumaqatigiinniartoqassaaq. Kisianni Inatsisartut siullermeerlutik inissititerlutillu ataatsimiinnerat ataasinngorneq apriilip 7-ani pisussap kingorna aatsaat aallartissinnaapput, qularnanngilarli siunissami qaninnermi isumaqatigiinniarnerit aallartinneqarumaartut.

Nuummi innuttaasut ministeriunerup tikeraarnera nuannersumik tigugaat malunnarpoq, aqqusinermilu pisuttuarneranni innuttaasut arlalissuit  periarfissaqartinneqarput Mette, Múte aamma Jens-Frederik ilassiussallugit. 

Assit amerlanerusut takusinnaavatit assip siulliup tikkuutaa toorlugu. 

mette frederiksen nuuk jens-frederik nielsen inuiaqatigiit múte bourup egede

Atorfiit tamaasa takukkit

– Se alle jobs

Powered by Labrador CMS