Ministerip nunatsinnut tikeraalersaarnini kinguartikkaa

Danmarkip illersornissamut ministeriata Troels Lund Poulsenip Vivian Motzfeldt poorskertinnagu tikeraalersaarpaa, iluatsinnaguli.

Vivian Motzfeldt Troels Lund Poulsenilu siusinnerusukkut ataatsimiinnerannit assingat.

Assi: Leiff Josefsen

Morten Okkels Morten Okkels Tusagassiortoq

Saqqummersinneqarpoq 14. Apriili 2025 - 16:13

Kalaallit Nunaannut poorskertinnagu tikeraalersaarluni, Danmarkip ministeriunerata tulliata illersornissamut aamma ministeriusup Troels Lund Poulsenip (V) marsip naanerani ilisimatitsissutigaa.

Tasssuma Issittoq pillugu isumaqatigiissutit aningaasaliinissallu pillugit oqaloqatigiartoqqillugu nunanut allanut tunngasuni naalakkersuisoq Vivian Motzfeldt (S) naapittussaagaluarpaa.

Tamannali taama pilertortigisumik angusinnaanngikkini, ministeri Sermitsiamit attavigineqarami oqarpoq.

Ussassaarut

– Kalaallit Nunaannut poorskertinnagu tikeraarnissannut ajoraluartumik piffissaqanngilanga, qanittukkulli taamaaliornissara anguniarpara, Troels Lund Poulsen oqarpoq.

Politikerit taakkua arlaleriarlutik naapittareerput, aamma qanittukkut naapipput. Vivian Motzfeldtimmi illersornissamut ministeri Issittoq pillugu januaarimi isumaqatigiissuteqarnermut tunngatillugu tikeraarpaa. Troels Lund Poulsen nunatsinnut kingullermik 2024-mi novembarimi tikeraarami, Vivian Motzfeldtilu Nuummi innuttaasunik ataatsimiititsipput.