TUSASS KAAMMATTUIVOQ
Modem mobililu qameriarlugit ikeqqissigit
Mobilnetværkip nutarterneqarnerani attaveqarniarnikkut ajornartorsiutit pilersimasut maanna qaangiutilersut Tusassimit nalunaarutigineqarpoq. Tusassimeersoq Malene Martins nalunaarpoq ajornartorsiutit maanna qaangiutereersut. Suli attaveqarniarnikkut ajornartorsiuteqarsimaguit atortutit qameriarlugit ikeqqikkukkit ilimanarpoq attavineqqissasutit.
Tusass mobilinut attaveqaatinullu nutarterinermi sullissinerit ingerlateqqammerpaat, tamatumalu kingunerisaanik mobilnetværkimi ajornartorsiortoqarpoq, kisianni maanna Tusass nalunaarpoq attaveqaatit pissusissamisut ingerlaqqilersut.
Assi: Leiff Josefsen
Pingasunngorneq ullaap tungaani ualillu ilangaatsiarsua Tusass-mobilinik mobildatanillu atuisut ilaasa attaveeruttoqarnera misigaat.
Malene Martins Tusassimeersoq paasissutissiivoq ajornartoorneq pilersimasoq systeminik nutarterinerup malitsigisaanik. Oqaatigaalu atuisut amerlanerpaat pissusissamisoortumik attavinissimassasut naatsorsuutigigitsik.
- Attaveeruttooqqaneq nammineerluni aaqqinngippat, Tusassimit kajumissaarutigaarput atuisugut oqarasuaatitik modemmillu qameriarlugit kingornalu aallarteqqissagaat. Taamaaliornikkut attaviit iluarsinissaat naatsorsuutigineqarmat.
Tusassip aamma nalunaarutigaa 113 maanna sianerfigineqarsinnaanngoqqittoq.
