Múte, Mette aamma Jens-Frederik ataatsimiilerput

Ministeriuneq Mette Frederiksen Nuummut apuussimalereerpoq. 

Piffissaq asiutinneqassanngilaq, tassami nal. 15:00 pingasuullutik ataatsimiillutik aallartissapput. Ataatsimiinneq qularnanngitsumik Danmarkip Kalaallit Nunaatalu suleqatigiinnerisa killiffianik ataatsimoortumik ilisimatitseqatigiinnermik imaqassaaq, tamatumalu saniatigut qularnanngitsumik USA-mit sakkortuumik kimigiiserfigineqarneq oqaluuserineqassaaq, tassami kingullertigut Trumpip suliakkiutigisimavaa Kalaallit Nunaata pisiarinissaanut aammalu tamatuma kingorna ingerlannissaanut aningaasartuutissat missingersuusiortinnissaat.

Tikeraarnermi pilersaarut, maanna tusagassiorfinnut saqqummiunneqartoq, paasissutissarpassuaqanngilaq ataatsimeeqatigiinnerullu saniatigut susoqassanersoq ilisimatitsissutigineqanngilaq. 

Taamaattorli ataatsimiinnerit saniatigut umiarsuarmik angalaarneqassaaq pilersaarutaavoq, ilimanarporlu Nuup kangerluani angalaarumaartut. Taamatuttaaq sisamanngornermi nikussutiinnarlugu tusagassiorfiit umiarsuup saavani apeqqarissaarsinnaanerat periarfissiissutigineqarpoq sisamanngornermi ualikkut nal. 16:00.