Politikerit suli aalajangiisuupput, illoqutigiit Kalaallit Nunaanniittut minnerunngitsumillu suliffeqarfiit tamaaniittut innaallagissamut, imermut kiassarnermullu qanoq annertutigisumik akiliissanersut.
Maannamut politikerit assigiimmik akeqartitsineq atorunnaarsissimavaat kingusinnerusukkullu atuutilerseqqillugu, tassa nunatsinni sumiikkaluaraanniluunniit qanorlu piviusumik akeqassagaluarpalluunniit assigiimmik akeqartitsilluni aaqqissuussineq uterteqqinneqarnikuulluni.
Politikerit suli aalajangiisuupput, illoqutigiit Kalaallit Nunaanniittut minnerunngitsumillu suliffeqarfiit tamaaniittut innaallagissamut, imermut kiassarnermullu qanoq annertutigisumik akiliissanersut.
Maannamut politikerit assigiimmik akeqartitsineq atorunnaarsissimavaat kingusinnerusukkullu atuutilerseqqillugu, tassa nunatsinni sumiikkaluaraanniluunniit qanorlu piviusumik akeqassagaluarpalluunniit assigiimmik akeqartitsilluni aaqqissuussineq uterteqqinneqarnikuulluni.
Tamanna pivoq Nukissiorfiit ukiuni arlalinni 2 milliardit koruuninik nutarterinissamut pisariaqartitsinertik erseqqissaatigisareeraallu. Pisariaqartitsinermi amerlanerpaartaat piaartumik aningaasaliinissamut pisariaqartitsinermut tunngassuteqarput.
2024-mi aasakkt Naalakkersuisut aalajangerput, atuisut Nukissiorfiit aningaasaliinissaannut akileeqataassasut akigititanik qaffaasoqarneratigut.
"Aalajangerneq eqqortoq"
Decembarip 28-iani Nuummi annertuumik innaallagissamik qamittoortoqarneranut atatillugu Nunalerinermut, Imminut Pilersornermut, Nukissiutinut Avatangiisinullu Naalakkersuisoq, Kalistat Lund, tusagassiorfinnut nalunaarummini naqissusiivoq, Naalakkersuisut isumaat naapertorlugu akigititanik qaffaanermik aalajangerneq eqqortuusoq:
- Sarfaaruttoornerup erseqqilluinnartumik takutippaa ukiuni aggersuni qassiini akinik ingerlaavartumik qaffaasarnissamik aalajangerneq eqqortuusimasoq – aammalu suli eqqortuusoq. Nukissiorfiit aningaasatigut oqimaaqatigiissumik ingerlanissaa kiisalu nutartigassanik pisariaqarnerpaanik suliaqartarnissarput aalajangiisuulluinnarpoq.
- 2023-imiit akinik ingerlaavartumik qaffaasoqartarsimavoq. Akinik qaffaasoqartanngippat Nukissiorfiit nuna tamakkerlugu aningaasaliisarnissaminnik aammaarlutik kinguartitsisariaqassapput. Taamaattoqassappat qamittoornissaq ilimanarnerulissaaq nunalu tamakkerlugu pilersuisinnaassuseq nalorninartorsiorfiulissalluni. Tamanna ilumuuissumik soorunami pinngitsoortinniartariaqarparput akunnerup naanerani misigisatsitut misigisaqaqqeqqunata, Naalakkersuisoq Kalistat Lund (IA) oqarpoq.
Nukissiorfiit: Uagut akisussaaffiginngilarput
Nukissiorfinni Nukissiuuteqarnermut pisortaq Johan Danielsen aamma Teknikkimut pisortaq Filip Sivertsen Sermitsiamut naqissusiipput, akit allanngortinneri politikkikkut aalajangigaasut, aammalu namminneq akisussaaffiginngikkitsik, atuisut akiliutaat qanoq inissinneqassanersut:
- Nukissiorfiit iluani misissuisarpugut qanoq qanoq iliorluta aningaasatigut nammineq aaqqiissutissarsiorsinnaanerluta aammalu aningaasartuutinut naleqqiullugu pitsaanerulersitsisinnaanerluta. Ilaatigut iliuuserisinnaasagut arlaqarput, kisianni aamma arlaqarput allanit (politikerinit, aaqq.) aalajangerneqartartut. Tassunga atatillugu pilersaarusiorsimavugut, iliuuserisassatut suut pisariaqarnersut. Qanorli aaqqissuussinissaq, tamanna uagut aalajangigassarinngilarput, taakku marluullutik oqarput.
Pilersorneqarnikkut isumannaallisaaneq pingaartillugu suliarineqassaaq
Nuup eqqaani Utoqqarmiut Kangerluarsunnguanni kiisalu Tasiilami erngup nukinganik nukissiorfinnik alliliinikkut kiisalu Qasigiannguit Aasiaallu pilersorneqarnissaannut nutaanik angisuunik innaallagissiorfiliornikkut, Tasiilami Qorlortorsuarmilu erngup nukinganik nukissiorfiit allilernerisigut kiisalu Narsami Tasermi innaallagissiorfiliornikkut nunatsinni pilersuinermik isumannaallisaanertik ukiuni aggersuni Naalakkersuisut nangissavaat, Kalistat Lund tusagassiuutitigut nalunaarummini erseqqissaavoq.
- Erngup nukinganik nukissiorfinnik alliliisoqarnera nutaanilluunniit sanasoqarnera apeqqutaatinnagu innaallagissiutinik sillimmateqarnerup qanoq pisariaqarluinnartiginera 2024-mi decembarip ulluisa 28-ianni Nuummi pisup takutippaa. Ukiup qanoq ilinera apeqqutaatinnagu innaallagiassaqarlutalu, imissaqarluta kiassarsinnaanissarput allaqqunneqarsinnaanngilluinnarpoq, Naalakkersuisoq Kalistat Lund naggasiivoq.
