Aalisarnermut
suliffeqarfiit soorlu Polar Seafood, aalisartut kattuffii aalisartullu
nalunaarutinik aalisarnermut inatsit ilutigalugu atuutilersussanik,
utaqqisaqartut, Naalakkersuisut ullut tulliuttut 14-it ingerlanerini
nalunaarutit sisamat pillugit tusarniaassutinik nassiussinissaat
naatsorsuutigisinnaavaat, Aalisarnermut Piniarnermullu Naalakkersuisoqarfimmiit
allapput.
“Nalunaarutit sisamaasut aalisarnermut
inatsisissaq ilutigalugu atuutilersussat tassaapput teknikkikkut aalisarnermik
aqutsinermut nalunaarut, Pisassiissutinut niuerutigineqarsinnaasunut Nammineq
Pigisanut aaqqissuussaq malillugu aalisarnermut nalunaarut (PNNP pillugu
nalunaarut), akuersissutit pisassiissutillu pillugit nalunaarut kiisalu
inuttaqarnermut nalunaarut”, Aalisarnermut Piniarnermullu
Naalakkersuisoqarfimmi aalisarnermut immikkoortortami pisortaq
Katrine Kærgaard allappoq.
Aalisarnermut
suliffeqarfiit soorlu Polar Seafood, aalisartut kattuffii aalisartullu
nalunaarutinik aalisarnermut inatsit ilutigalugu atuutilersussanik,
utaqqisaqartut, Naalakkersuisut ullut tulliuttut 14-it ingerlanerini
nalunaarutit sisamat pillugit tusarniaassutinik nassiussinissaat
naatsorsuutigisinnaavaat, Aalisarnermut Piniarnermullu Naalakkersuisoqarfimmiit
allapput.
“Nalunaarutit sisamaasut aalisarnermut
inatsisissaq ilutigalugu atuutilersussat tassaapput teknikkikkut aalisarnermik
aqutsinermut nalunaarut, Pisassiissutinut niuerutigineqarsinnaasunut Nammineq
Pigisanut aaqqissuussaq malillugu aalisarnermut nalunaarut (PNNP pillugu
nalunaarut), akuersissutit pisassiissutillu pillugit nalunaarut kiisalu
inuttaqarnermut nalunaarut”, Aalisarnermut Piniarnermullu
Naalakkersuisoqarfimmi aalisarnermut immikkoortortami pisortaq
Katrine Kærgaard allappoq.
- Akuersissutinik pisassiissutinillu
nalunaarutit, teknikkikkut allannguutinut tunngatillugu teknikkikkut
illersuiniaanermut iliuuserineqartut nutarterneqarnerat
ataatsimoortinneqarnerallu, raajarniarnermut sumiiffinni aalajangersimasuni
akuersissutinik nalunaarutit aamma uumasut pillugit nalunaarutit arlallit
inatsimmut nutaamut naleqqussarniarlugit nutarterneqarput. PNNP-mut nalunaarut
nutaarluinnaagami inatsisinik atuuttunit nutaanillu tunngaveqarpoq, inuttallu
pillugit nalunaarut 2024-mut aningaasanut inatsisissamut isumaqatigiissut
naapertorlugu nutarterneqarpoq, Katrine Kærgaard allappoq.
Aalisarnermik inuuniuteqartut qanimut
suleqatigineqartut
Nalunaarutinut siunnersuutit aalisarnermik
inuuniuteqartut qanimut suleqatigalugit suliaasut immikkoortortami
ingerlatsisoq nassuiaavoq.
- - Suliap aallartinnginnerani
nalunaarutit nutarterneqarnissaat pillugu apeqquteqaat kiisalu nalunaarutinut
nutaanut isumassarsiat inuussutissarsiuteqartunut nassiunneqarput.
Aalisarnermut Piniarnermullu Naalakkersuisoqarfik nalunaarutinut
siunnersuusiorniarluni eqqartugassat assigiinngitsut pillugit aalisarnermik
inuussutissarsiuteqartunik qaammatini kingullerni ataatsimeeqateqartarpoq.
Tamatuma saniatigut Aalisarnermut Siunnersuisoqatigiit suliaq
eqqarsaatiginneqqissaarnerillu pillugit malinnaatinneqartuarsimapput, Katrine
Kærgaard oqarpoq.
Nalunaarutit arlallit 2025-mi
tusarniaassutigineqassasut
Nalunaarutit sisamat aalisarnermut
inatsisissaq ilutigalugu atuutilersussat saniatigut nalunaarutit allat 2025-mi
upernaakkut tusarniaassutigineqartussat suliarineqarput.
- Taakku aamma aalisarnermik
inuussutissarsiuteqartunik oqaloqateqarnermik tunngaveqassapput. Saniatigut
pisat pillugit pillugit nalunaarut, misileraalluni aalisarneq pillugu
nalunaarut, umiarsuit tunitsiviit, usinik nuussineq nunamilu tunitsiviit
pillugit nalunaarut aamma inuussutissarsiutiginagu aalisarneq pillugu
nalunaarut nalunaarutigineqassasut naatsorsuutigineqarpoq. Tassani pineqarput
saniatigut pisat pillugit nalunaarutip nutarternissaa, misileraanikkut
aalisarneq pillugu nutaanik nalunaarusiornissaq, umiarsuit tunitsiviit, usinik
nuussineq nunamilu tunitsiviit pillugit nalunaarut kiisalu
inuussutissarsiutiginagu aalisarneq pillugit nalunaarutit nutaat
suliarineqarnissaat, kisianni maanna malittarisassat inatsillu atuuttut
tunngavigalugit suliat, Katrine Kærgaard oqarpoq erseqqissarlugulu
Aalisarnermut Piniarnermullu Naalakkersuisoq Kim Kielsen (S) aalisarnermut
inatsisissap atuutilersinneqarneranut aalisarnerlu nalinginnaasumik
eqqarsaatigalugu sammisat aalisarnermik inuussutissarsiuteqartunut attuumassuteqartut
tamaasa pillugit oqaloqateqartuartoq.
