2025-mut aningaasanut inatsisissatut siunnersuutip immikkoortuani pingaarnermi, iluarsaaqqinnerit sunniutaat pillugit, allassimavoq Namminersorlutik Oqartussat inissiaataasa attartortittakkat iluarsaanneqarnissaannut kinguaattoornerit aaqqinniarlugit Naalakkersuisut taarsigassarsiumaartut. Ima allassimavoq:
“Naalakkersuisut, Inatsisartut Aningaasaqarnermut Akileraartarnermullu Ataatsimiititaliaannit akuerineqarlutik, suliniutit aalajangersimasut aningaasalersorniarlugit Namminersorlutik Oqartussat imaluunniit pisortat ingerlatseqatigiiffiata aktiaatileqatigiiffianut ataatsimik arlalinnilluunniit taarsigassarsisinnaapput, imaluunniit taarsigassarsianut qularnaveeqqusiisinnaapput, 1,5 milliardit koruunit angullugit.”
2025-mut aningaasanut inatsisissatut siunnersuutip immikkoortuani pingaarnermi, iluarsaaqqinnerit sunniutaat pillugit, allassimavoq Namminersorlutik Oqartussat inissiaataasa attartortittakkat iluarsaanneqarnissaannut kinguaattoornerit aaqqinniarlugit Naalakkersuisut taarsigassarsiumaartut. Ima allassimavoq:
“Naalakkersuisut, Inatsisartut Aningaasaqarnermut Akileraartarnermullu Ataatsimiititaliaannit akuerineqarlutik, suliniutit aalajangersimasut aningaasalersorniarlugit Namminersorlutik Oqartussat imaluunniit pisortat ingerlatseqatigiiffiata aktiaatileqatigiiffianut ataatsimik arlalinnilluunniit taarsigassarsisinnaapput, imaluunniit taarsigassarsianut qularnaveeqqusiisinnaapput, 1,5 milliardit koruunit angullugit.”
Namminersorlutik Oqartussat inissiaataasa attartortittakkat iluarsaanneqarnerat aserfallatsaalineqarnerallu ineqarnermut aaqqissuusseqqinneq pillugu politikikkut isumaqatigiissut, Siumup Inuit Ataqatigiillu maajimi 2024-mi atsioqatigiissutigisaat, tunngavigalugu pissaaq.
Taarsigassarsinissamut piumasaqaatit
Ineqarneq pillugu aaqqissuusseqqinneq pillugu isumaqatigiissummi Namminersorlutik Oqartussat inissiaataasa aserfallatsaalineqannginnerat pillugu pilersaarusiortoqarpoq, inissianillu immikkoortortaqarfiit aningaasaqarnerat oqimaaqatigiissaarineqartussaavoq, ingerlatsinermut aserfallatsaaliinissamullu aningaasartuutit piviusut ersersinneqassallutik.
Siunnersuummi allassimavoq iluarsaaqqinnissamut aningaasalersuinissamut pilersaarutip atuutilersinneqarnissaanullu pilersaarutip uppernarsassagaat taarsigassarsisoqarneratigut allatigullu iliuuseqartoqarneratigut attartortut akornanni aserfallatsaaliuinermi ajornartorsiutit aaqqinneqarsinnaassasut, aserfallatsaalineqarnissaanillu pisariaqartitsineq annikillisinneqarpat inissiaatileqatigiiffinni amigartoortoqarnissaa naatsorsuutigineqanngitsoq.
Aningaasaatit iluarsaassinermut aserfallatsaaliuinermullu atorneqarsinnaassappata piumasaqaatit tallimat piumasaqaatigineqarput, soorlu eqqiaanermut tunngasunik pingaarnersiuinissamut tunngavissaqarluartoqarnissaa, aningaasatigut oqimaaqatigiissumik ingerlatsisoqarnissaa aamma piujuartitsisumik attartortitsisoqarnissaa.
Aningaasanut inatsisissatut siunnersuut naapertorlugu ”tamatumunnga atatillugu ukiut tamaasa Inatsisartut Aningaasaqarnermut Akileraartarnermullu Ataatsimiititaliaat ilisimatinneqartassaaq, ataatsimiititaliallu ilaatigut nalunaarutigissavaa ukiuni arlalinni aserfallatsaaliuineq naammanngitsoq pissutigalugu ajornartorsiutit annikillisinniarlugit aningaasat atorneqarnerat naapertuilluartumik tunngavilersuummik tunngaveqarnersoq”, aningaasanut inatsisissatut siunnersuummi taama allassimavoq.
Aserfallatsaaliuinermut aqutsineq ingerlatseqatigiiffimmit imaluunniit immikkut ittumik aqutsisoqarfimmit isumagineqassaaq, suliap suliarineqarnerata najoqqutassianut naapertuuttumik ingerlanneqarnissaa qulakkeerniarlugu.
