KL

DK

Naalakkersuisut taarsiissuteqarniarlutik nalunaarutaat paatsiveerussutigineqarpoq

KNR naapertorlugu naalakkersuisoq Erik Jensen (S) oqarsimavoq spiralimik suliami arnat 15-it taarsiiffigineqassasut. Taamaattoqassanngilaq, Naaja H. Nathanielsen (IA) oqarpoq.

Naalakkersuisoq for finanser og skatter Erik Jensen: – Jeg har nu bedt mit departement indlede en dialog med Sikuki Nuuk Harbour A/S om en eventuel lovændring af havneafgiften i Kangerlussuaq.
Erik Jensenip arnat pinngitsaalillugit naartunaveersaateqalersinneqarsimasut taarsiiffigineqarnissaat pillugu oqaasii paatsiveerusimaartitsipput.
Thomas Munk Veirum
Tusagassiortoq
Saqqummersinneqarpoq

Novembarip 26-ani Ritzau Bureaumit nutaarsiassaq nittartakkami matumani saqqummiupparput.

Nutaarsiassami pineqarpoq naalakkersuisoq Erik Jensen (S) KNR-imit apersorneqarnermini oqaluttuartoq kalaallit arnat 15-it 1991-ip kingorna, tassa Kalaallit Nunaata peqqinnissaqarfimmik Danmarkimit tigusinerata kingorna, akuersissuteqaratik spiralilertinneqarsimasut tamarmik immikkut 300.000 koruuninik taarsiiffigineqassasut.

Taamali ajornanngitsiginngitsoq, arnallu pineqartut oqartussaasunit aalajangiisoqarnissaa suli utaqqisariaqaraat maanna paasinarsivoq.

KNR-imi sisamanngornermi allassimavoq naalakkersuisup Naaja H. Nathanielsenip (IA) apersorneqarnera tunngavigalugu taarsiissuteqarnissaq pillugu apeqqutip akineqarnissaanut ajornartorsiutip misissorneqarnera utaqqineqartoq:

- Erik Jensenip taama oqaaseqarnissaa qanoq piareersarneqarsimanersoq ilisimanngilara. 4,5 millionit koruunilli aappaagu aningaasanut inatsisissami immikkoortitat nalusamik spiralilerneqarnermik allamilluunniit naartunaveersaaserneqarnermik suliatut Nakorsaaneqarfiup nalunaarsugaani pineqartut amerlassusaannik agguarneqarsimassangatippakka. Sulialli tamakkiisumik isiginneranut taamaaliorneq naammanngilaq, KNR-imut oqarpoq.

Naaja H. Nathanielsenip oqaasii aningaasanut inatsimmut isumaqatigiissummi Naalakkersuisut, Siumut aamma Inuit Ataqatigiit akornanni isumaqatigiissutigineqartumut naapertuupput.

Isumaqatigiissummi taarsiissutissatut immikkoortinneqarsimasut 4,5 millionit koruunit pillugit allassimavoq aningaasat taakku “politikkikkut suliarineqareerpata, pisimasut pillugit misissuinerup inerneri tunngavigalugit” tunniunneqassasut.

Misissuineq septembarimi 2025-mi naammassineqarpat aatsaat Naalakkersuisut taarsiissutissat annertussusaat amerlassusaallu aalajangerumaarpaat.

spiral samfund erik jensen erstatning grønland inuiaqatigiit naaja h. nathanielsen

ATORFIIT Se alle jobs

Powered by Labrador CMS