Ilinniartitsisut, tusagassiortunngorniat, tusagassiortunngorniaasimasut ilaqutaasullu 40-t 50-illu missiliorlugit Naja Paulsenimut inuulluaqqusiniarlutik peqataapput.
Ini nuannaarnermik, qanga pisimasunik eqqartuinermik inuunerullu ilaani pisup naaneranik misigissutsinik imaqarpoq.
Ilinniartitsisut, tusagassiortunngorniat, tusagassiortunngorniaasimasut ilaqutaasullu 40-t 50-illu missiliorlugit Naja Paulsenimut inuulluaqqusiniarlutik peqataapput.
Ini nuannaarnermik, qanga pisimasunik eqqartuinermik inuunerullu ilaani pisup naaneranik misigissutsinik imaqarpoq.
- Naja Ilisimatusarfimmi ulluinnatsinni ukiorpassuarni peqataasimavoq, nunamilu tusagassiortorpassuillu ilinniartitarinikuullugit, Anemette Nyborg Lauritsen, Inuiaqatigiilerinermik, Aningaasaqarnermik Tusagassiornermillu ilisimatusarfiup immikkoortortaqarfiani pisortaq oqarpoq.
Tusagassiuinerup illersortaa
Naja Paulsen, suleqatiminit ilaatigut »Kalaallit Nunaanni tusagassiornerup dronningianik« taaneqartartoq, immikkoortortaqarfimmi pisortaq pikkorissoq immikkoortortaqarfimminik illersuisoq ilinniartuminullu »anaana løviusoq« ukiorpassuarni sulisimanerminut qujavoq.
- Ukiorpassuarni suleqatikka ilagalugit maani sulinera nuanneqaaq. Ilimmarfimmi 2007-imi nuukkatta ukiumi siullermiit ullumikkumut oqaluttuat amerlaqaat. Ajunngitsuni ajortunilu peqatigiissimavugut. Ukiorpassuarni maaniissimanitsinnut qujanarujussuaq, Naja Paulsen nuannaartoq inuulluaqqusinermi juunip 18-ani pisumi oqarpoq.
Charlotte Juul Sørensenip, tusagassiornermik immikkoortortaqarfimmi studieadjunktip Naja Paulsenip suleqatigisimaneranik aamma qujaffigaa.
- Tusagassiornermi immikkoortortaqarfik illersortarpat, anaanatut løvitut. Aamma suleqatitit illersortarpatit. Ilinniartut tamaasa nalunngilatit, soraarummeernissaminnut suut suli amigaatigineraat, ilinniarfimmiissimasut tamaasa nalunngilatit, sumiinnersut, qassinik meeraqarnersut, suut tamaasa nalunngilatit. Illit immikkoortortaqarfiup oqaluttuassaraatit, tusagassiornerup oqaluttuarisaaneraniipputit, tamannalu uagut ingerlateqqinniartussanngorparput, Charlotte Juul Sørensen oqarpoq.
