ULLORMUT NALUNAARUSIAQ
Nakorsiartoq periarfeerunneqartoq nassaarineqartoq – utoqqaat illuannut aserorterisoqartoq
Portørit Nuummut nakorsiaq mittarfimmut ataasinngornermi aagaluarpaat, kuffertiali kisimi tiguneqarpoq.
Assi: Oscar Scott Carl
Nuummi Dronning Ingridip Napparsimmavissuani portørit nakorsiaq periarfeerullugu politiinut ataasinngornermi nalunaarutigisariaqarimavaat.
Angut utoqqaq mittarfimmiit napparsimmaviliaatissallugu aasimagaluarpaat, pigaartut pisortaat Thomas Jeppesen Sermitsiamut oqarpoq.
Angut puiguttortuusoq Sanamut unitsinneqartussaagaluarpoq, taamaattoq napparsimmavimmi sulisut angutip nassatai kisiisa tigusimavaat. Angut periarfeerunneqarpoq.
Portørit angut periarfeerunneqartoq politiinut nalunaarutigaat, qujanartumillu ajunngitsoq bussini nassaarineqarpoq, Thomas Jeppesen oqarpoq.
Narsami aserorterineq
Narsami nuannerpallaanngitsumik pisoqarsimasoq, politiit nalunaarusiaanni aamma allassimavoq.
Utoqqaat illuanni igalaat arlallit pinerlisunik ilisarineqanngitsunit aserorterneqarsimasut, Politiit nalunaaqutaq 10.45 nalunaarfigineqarput.
Narsami politiit suliaq misissuiffigaat.
Benziina 90 liiteri tillinneqartoq
Qasigiannguani angallammiit benziinamik tillittoqarsimasoq, politiit ullup qeqqata kinguninngua nalunaaqutaq 13.30-p missaani nalunaarfigineqarput.
Raajanik tunisassiorfitoqqap eqqaani umiatsiaq tillinniarfigineqarpoq, tassanilu benziina 90 liiteri maqillugu tillinneqarsimaluni.
- Politiit takkummata slangeq tillinniarnermut atorneqarsimasoq, qillerullu maqitsinermut sakkugineqarsimasoq suli angallammiipput., pigaartut pisortaat oqarpoq.
