KL

DK

Nathanielsen: Trumpip København eqeersarpaa

Naaja Nathanielsen (IA) naapertorlugu Kalaallit Nunaat Danmarkimit soqutigineqarnerulerpoq, tamannalu sivisuumik amigaatigineqarsimavoq.

- Ukiorpassuarni EU-mit USA-millu suleqatigineqarnerulernissarput sulissutigisimavarput. Malugeqqunerput ujartorsimasarput maanna nalliuttoq nangaasunnguarmik oqaatigisinnaavara, Naaja Nathanielsen The Guardianimut oqarpoq.
Ritzaus Bureau
Saqqummersinneqarpoq

Donald Trumpip Kalaallit Nunaannut soqutiginninnera ajunngitsoq inuussutissarsiornermut, aatsitassanut, inatsisit atuutsinneqarnerannut naligiissitaanermullu naalakkersuisoq Naaja Nathanielsen isumaqarpoq

Tamanna pissutigalugu "København eqeersimasoq" isumaqarpoq.

Aviisi The Guardian allappoq.

- Kalaallit Nunaanni aatsitassanut naalakkersuisutut nunanit allaneersunit tusagassiuutinit ulluinnarni maluginiarneqartarpunga. Qallunaat tusagassiortui oqaloqatigerpiarneq ajorpakka, The Guardianimut oqarpoq.

- Ukiorpassuarni EU-mit USA-millu suleqatigineqarnerulernissarput sulissutigisimavarput. Malugeqqunerput ujartorsimasarput maanna nalliuttoq nangaasunnguarmik oqaatigisinnaavara, Naaja Nathanielsen oqarpoq.

Spiralimik suliamut tunngatillugu aamma taamaattoqartoq oqarpoq, tassani qallunaat tusagassiorfiisa kalaallit isiginnittaasiat soqutigivallaanngikkaat.

- Naatsorsuutigaara soqutigineqarnermut iluaqutigalugu Danmarkimut attaveqarnitsinni erseqqissassagipput pisut tamaanga uninnginnerat. Spiralinut tunngasoq misissortariaqarpaat. Meeqqatut meeravissianngortinneqarsimasunut tunngatillugu misissuisariaqarput, akisussaaffimmik tigusillutik suliallu naammassinissaat isumagisariaqarpaat. Inuit pineqartut eqqissiniassammata, Naaja Nathanielsen oqarpoq.

Suli sukataarniarlugu aamma oqarpoq.

Trump præsidentiunerani isumaqatigiissut 2019-imi atsiorneqartoq tunngavigalugu USA Kalaallit Nunaallu aatsitassarsiorneq pillugu suleqatigeereerput.

The Guardian naapertorlugu Nathanielsenip neriuutigaa isumaqatigiissut atuukkunnaangajalertoq nutarterneqassasoq. Aningaasaliisoqaqqinnissaa neriuutigaa taamaalilluni suliniutit nutaat aallartinneqarsinnaaniassammata.

Nathanielsenip The Guardian naapertorlugu neriuutigaa, isumaqatigiissut, qanittukkut atorunnaartussaq, nutarterneqassasoq. Neriuutigaa, ilaatigut aningaasaliissutit amerlanerulerumaartut, taamaalilluni suliniutit nutaat aallartinneqarsinnaaniassammata.

Naalakkersuisut siulittaasuat Múte B. Egede (IA) Kalaallit Nunaat USA-mik suleqateqarnerulernissa ammaffigigaa ataasinngormat oqarpoq. Donald Trumpip ernerata, Donald Trump Jr.-ip, Nuummut sapaatip-akunnerani kingullermi sivikitsumik tikeraarnerata kingorna tamanna pivoq.

Siulittaasoqarfik marlunngornermi nittartakkamini tusagassiuutinut nalunaaruteqarpoq.

- Nunarput tuniniagaanngilaq. Kalaallimmi Nunaat kalaallit pigaat. Taannalu allanngornavianngilaq, maannakkut siunissamilu. Nunarput nunat killiit ilagaat aamma illersornissakkut NATO-mut ilagisaanullu ilaalluni, tusagassiuutinut nalunaarummi allassimavoq.

/ritzau/

naaja nathanielsen inuiaqatigiit spiralsagen råstoffer samfund donald trump

ATORFIIT Se alle jobs

Powered by Labrador CMS