NATO-p sakkutuuisa naalagaat silaannakkut angallannermi unioqqutitsinerit pissutigalugit eqqissiviilliortoqarnerani ataatsimiittut
Silaannaap killeqarfiinik unioqqutitsinerit arlallit „Ruslandip akisussaaffigilluinnarai“ NATO-p Sakkutooqarnermut Ataatsimiititaliaani siulittaasoq oqarpoq.
- Iliuutsit taakku ingasatsikkaluttuinnarlutillu, mianersuaalliornerullutillu inuillu inuunerannik navianartorsiortitsipput, Ruslandilu tamakkiisumik akisussaasuuvoq, admiral Giuseppe Cavo Dragone NATO-p Sakkutooqarnermut Ataatsimiititaliaaneersoq oqarpoq.
Assi: Ukraine Presidency/Shutterstock/Ritzau Scanpix
Sakkutuut killermiut peqatigiiffianni Nato-mi sakkutooqarnermut qullersat arfininngornermi ataatsimiipput, Ruslandillu NATO-p silaannartaani silaannaap killeqarfiinik unioqqutitsinernik nunanit arlalinnit nalunaarutit sammineqangaatsiarput.
NATO-p Sakkutooqarnermut Ataatsimiititaliaata ataatsimiinnerani, sivisuumik pilersaarutigineqarsimasumi, nunat silaannaap killeqarfiinik unioqqutitsiffigineqarsimasut tamaasa Nato-p tapersersorai admiral ataatsimiititaliamilu siulittaasuusoq Giuseppe Cavo Dragone oqarpoq.
- Sakkutuunut iligisatsinnut silaannakkut killeqarfimminnik unioqqutitsiffigineqarsimasunut tapersersuilluinnarnera ullumikkut oqaatigiumavara, Dragone nutaarsiassaqartitsivik dpa naapertorlugu oqarpoq.
- Ilitta qisuariarnerat qajannaappoq, sulilu sakkortusiartuinnassaaq.
- IlIliuutsit taakku ingasatsikkaluttuinnarlutillu, mianersuaalliornerullutillu inuillu inuunerannik navianartorsiortitsipput, Ruslandilu tamakkiisumik akisussaasuuvoq, admirali nangilluni oqarpoq.
Ruslandi pisuunnginnerartuarsinnarpoq.
Danmarkip kina pisuunersoq ilisimanngikkaa
Nunat arlallit silaannarmik killeqarfimminnik unioqqutitsiffigineqarsimallutik nalunaarput. Ilaatigut makkuusut Polen, Finland, Letland, Litauen, Norge aamma Romania. Arlallit russit sakkutuuisa timmisartui atorlugit unioqqutitsiffigineqarsimapput.
Dronit ilaatigut mittarfinni qulaavaasarsimasut Danmark sapaatip-akunnerani kingullermi nalunaarpoq. Kina taamaaliornersoq oqartussaasut suli paasinngilaat. inuk ataaseq arlallilluunniit pineqarnersut aamma ilisimaneqanngilaq.
Danmarkimi ministeriuneq Mette Frederiksen (S) sapaatip-akunnerani matumani siusinnerusukkut ima oqarpoq:
- Ruslandip pisuusimasinnaanera miserratigisinnaanngilara.
Ruslandip Danmarkimi aallartitaata Kremlillu oqaaseqartartuata Dmitry Peskovip Rusland pisuunnginnerarpaa.
Sakkutooqarnermut ataatsimiititaliaq, Atlantikup Avannaani Siunnersuisoqatigiit sakkutooqarnermut periusissianik siunnersuisartut, ataatsimiinnerata kingorna unnugu nalunaaqutaq 18.00 tusagassiortunik katersortitsisoqassaaq.
/ritzau/
