Nipaassuseq kiffaanngissuserlu nuannarai
Elna Jensen kujataani kangerluummi Tunulliarfimmi savaateqarfimmi Sillisini aallaaveqarluni unnuisarfimmik, illuaqqanik marlussunnik cafémillu ingerlatsivoq. Maanna periarfissaqartilluni savalerinermi ikiuuppoq, annermilli takornariaqarneq suliffigaa
Elna Jensen ukiuni arfinilinni kingullerni ”Savaatillit Peqatigiit Suleqatigiissut” siulersuisuini ilaasortaavoq: - Ukiuni siullerni marlunni aningaaserisuuvunga, ukiuni tullerni marlunni siulittaasuullunga, aningaaserisunngoqqillungalu. Sassartoqarusunngimmat misilikkusussimavara. Sakkortusinnaavoq aammali ilungersunartut suulluunniit ajunngillat, oqarpoq.
Assiliisoq: Privat
Savaateqarfimmi Sillisini avatangiisit Kangaatsiamit Elna Jensenip
kingoqqisuuffianit allaanerupput. 1999-imi Grønlandsflymi – ullumikkut Air
Greenlandimi – ilinniartutut Narsarsuarmut tikippoq, trafikassistentitullu
naammassigami tassaniiginnarnissani aalajangerlgu.
- Narsarsuarmiinnera nuannareqaara, taamaattumik
tassaniiginnarpunga, Elna Jensen 2001-mi angutaatinilu meerartaartoq oqarpoq.
- Taamanikkut peerariinngilagut 2005-imili peerariilerpugut,
savaateqarfimmullu Sillisinut nuuppunga. Ullumikkut pingasunik qitornaqarpugut,
22-nik, 16-inik 14-inillu ukioqartunik, oqaluttuarpoq.
Angutaataa savaateqarfimmi peroriartorpoq. Angajoqqaavisa
savaateqarfik tunngavilerpaat, 1995-imilu piginneqataaffigilerpaa. Ullumikkut
kisimiilluni piginnittuuvoq. Maanna angajoqqaavi ukiuunerani Narsami
najugaqarput, maajimilu Sillisiliartarlutik, septembarimilu Narsamut
uteqqittallutik.
Aasaanerani Arnanut digitalikkut saqqummernerani oqaluttuaq tamaat uani atuaruk.
