Nunani allaneersut nunatsinni meeqqerivinnut suliartortinneqarnissaat NPK-ip siulittaasuata ajoriffissaqartinngilaa.
Taamaakkaluartoq kangiamiut meeqqerivimmi sulilersinneqannginnerini kalaallisut oqalunnissaminnut ilinniartinneqassanersut apeqquserpaa.
Nunani allaneersut nunatsinni meeqqerivinnut suliartortinneqarnissaat NPK-ip siulittaasuata ajoriffissaqartinngilaa.
Taamaakkaluartoq kangiamiut meeqqerivimmi sulilersinneqannginnerini kalaallisut oqalunnissaminnut ilinniartinneqassanersut apeqquserpaa.
- Uku
kangiamiut suliartortut uanga ajoriffissaqartinngilakka, kisiannili uggornarpoq
meeqqerivinni taamatut sulilersinniarneqarnerannut
tunuliaqutinik ersarissunik paasisaqarnikuunnginnatta.
Meeqqerivinni sulisussaaleqineq tupinnartuunngilaq, Kalaallit Nunaannimi suliffeqarfippassuit sulisussaaleqimmata.
Meeqqalli angajoqqaallu allanngortoqarnissaanik paasitinneqarnissaat pingaaruteqartoq, Arnaq Brønlund oqarpoq. Taannami isumaqarpoq susoqassanersoq meeqqat paasisariaqaraat.
-Soorunami paasisinnaasaminnik sullinneqartariaqarput.
Sooq perorsaasut amigaataappat?
Arnaq Brønlundip aamma oqaatigaa sooq meeqqeriviit sulisunik amigaateqarnersut kommunit qulaajartariaqaraat.
- Nunaqavissut
sulisorisinnaagaluit annaajortukkat, suninguna tunngaveqarlutik
annaaneqartut? Taanna aamma kommunip nammineerluni qulaajaaffigisinnaasariaqarpaa.
Isumaqatigiissut 2020-mit 2024-it atuuttoq naapertorlugu akissarsiat 13%-imik qaffannikuupput, taamaakkaluartoq aki naammaginarunnaarnikuusoq, Arnaq Brønlund isumaqarpoq.
- Ukiut
ingerlaneranni inuussutissaqarnikkut angerlarsimaffeqarniarnikkullu atukkat
naleqqukkunnaariartulernikuupput, akit nikeraannaavissut qaffakkaluttuinnartut. Taakkualu saniatigut inissaqartitsiniarneq kommunini
erloqinartorsiutaasorujussuuvoq. Aamma tamanna sisimiuni atuuppoq.
Qeqqata Kommunia sulisunut inissaateqarpoq
Naak NPK-p siulittaasuata oqaatigigaluaraa meeqqerivinni sulisunut kommunit sulisunut ininik neqeroorneq ajortut, Qeqqata Kommunia allatut oqarpoq.
Qeqqata Kommuniata ilisimatitsissutigaa ikiortitut atorfinittut aamma perorsaasut inissaannik neqeroorfiginninneq, suliffigissaaneq, nunat allat naapeqatigalugit isumasioqatiginninneq, NPK-mut aningaasarsianik qaffaanissamut naapeqateqarnerit ilaatigut Qeqqata Kommuniata meeqqerisussaaleqineq pillugu iliuuserisaasa ilagigaat.
Naalli Qeqqata Kommunia arlalinnik iliuuseqaraluartoq perorsaasut 72-it suli amigaataapput.
- Siornamiit maannamut suliffigissaanerit ingerlattarpagut soorlu una qaammat aamma Sisimiuni meeqqerisut tamaavimmik Taseralimmi ulluni marlunni naapeqatigigigut, tassani isumasioqatigiillutalu pikkorissaaneq ingerlapparput. Isumaqarpungalu tamanna ajunngitsumik ingerlasoq, taammaattorli meeqqerisunik katillugit 72-inik suli amigaateqarpugut, Sisimiuni meeqqeriviit allaffianni pisortaq Navarana Lennert-Andersen oqarpoq.
Akissarsianut tunngatillugu isumaqatiginninniarnerit novembarimi aallartissapput.
- Piareersimavugut, isumaqatiginninniarnissamullu aamma piareersimalluta, Arnaq Brønlund oqarpoq.
