Eqqartuussisoqarfik Sermersuumi eqqartuussivimmi 3-mi sisamanngornermi ullaakkut suliaq immikkut ittoq suliarineqarpoq: Kalaallit Nunaanni Politiit Danmarkimilu Nuna tamakkerlugu pinerlunnerit immikkut ittut pillugit suliaqartut (NSK) suleqatigiinneranni suliaq siulleq.
Eqqartuussivimmi aallarnisaataasumik eqqartuussisoqarnerani, unnerluussisussaatitaasup sinniisaa unnerluussisussaatitaasoq David Hvelplund NSK-meersoq, pisut pillugit eqqartuussisunut naatsumik nassuiaateqarpoq. Politiit marlunngornermi adressini arlalinni uppernarsaatissanik ujaasisimasut Ilisimatitsissutigaa, tassungalu atatillugu inuit sisamat tigusarineqartut, arnat marluk angutillu marluk, kingornalu iperagaasimasut.
Eqqartuussisoqarfik Sermersuumi eqqartuussivimmi 3-mi sisamanngornermi ullaakkut suliaq immikkut ittoq suliarineqarpoq: Kalaallit Nunaanni Politiit Danmarkimilu Nuna tamakkerlugu pinerlunnerit immikkut ittut pillugit suliaqartut (NSK) suleqatigiinneranni suliaq siulleq.
Eqqartuussivimmi aallarnisaataasumik eqqartuussisoqarnerani, unnerluussisussaatitaasup sinniisaa unnerluussisussaatitaasoq David Hvelplund NSK-meersoq, pisut pillugit eqqartuussisunut naatsumik nassuiaateqarpoq. Politiit marlunngornermi adressini arlalinni uppernarsaatissanik ujaasisimasut Ilisimatitsissutigaa, tassungalu atatillugu inuit sisamat tigusarineqartut, arnat marluk angutillu marluk, kingornalu iperagaasimasut.
NSK AAMMA KALAALLIT NUNAAT NUNA
tamakkerlugu pinerlunnerit immikkut ittut pillugit suliaqartut (NSK) Kalaallit
Nunaanni marsip aallaqqaataa aallarnerfigalugu sulianik
aallartitsisinnaalerput. NSK inunnut tunulequtaasunut misissuisartuusimasunit
politiiusimasunik ilaatigut sulisoqarpoq.
NSK-p suliat annertuut, soorlu aningaasanik peqquserlunneq,
akileraarnaveersaarneq, inupiluit pinerlunnerat, ikiaroornartunik pinerlunnerit
qarasaasiakkullu pinerlunnerit, misissuiffigisarpai.
Inuit taakku sisamat annertuumik akileraarutitigut pinerlussimasutut, aningaasanik millionikkaanik naleqartunik pasineqartut - sulili unnerluutigineqanngitsut - illersuisutik ullaaq manna ilagaat. Aamma allakkanik, ilaatigut atorfinitsitsinermut tunngasunik, peqquserluuteqarsimasutut pasineqarput.
Inuit tallimat ilisimannittutut eqqartuussisumut sassartinneqartut nunanit allaneersuunerat Kalaallit Nunaannilu utaqqiisaasumik najugaqarnerat pissutaasoq unnerluussisussaatitaasup ilanngullugu ilisimatitsissutigaa. Tassa imaappoq, Kalaallit Nunaanni suliffeqarneq najugaqarsinnaatitaanerannut sulisinnaanerannullu aalajangiisuuvoq.
- Suliffitsik atugassarititaasullu pillugit ullumikkut nassuiaatinneqartussanngorput, aamma sulisitsisortik pillugu nassuiaatinneqartussanngorlutik. Taamaattumik suliffitsik annaaratarsinnaanerat, suliffeerukkunillu Kalaallit Nunaanni najugaqarsinnaatitaajunnaarsinnaanerat ernumagineqarsinnaavoq, unnerluussisussaatitaasoq tunngavilersuivoq.
Nutserineriniarneq ajornakusoortoq
Suliap aallartinnissaanut ilisimannittut Kalaallit Nunaannit aallartariaqarsinnaanerata ernummatiginerata saniatigut NSK-p filippinerisut oqalutsi Danmarkimeersoq atorpaa.
Asiamiunik Kalaallit Nunaanniittunik oqalutseqartoqassapput attuumassuteqarpallaarsinnaaneq apeqquserneqarsinnaasoq unnerluussisussaatitaasoq nassuiaavoq.
Oqalutsi oqarasuaatikkut peqataavoq, tamannalu ajornakusoorpoq, tamannalu pissutigalugu ilisimannittunik killisiuinermi siulliup apersorneqarnera sivisuvoq.
Oqalutsip oqarasuaatikkut peqataanera pissutigalugu ilisimannittoq oqaaseqarnialeraangat eqqartuussisup mikrofoni ikittarpaa, killormuanillu oqalutsi oqaaseqarnialeraangat eqqartuussisup aamma nippattarlugu. Taamaaliornermi saniatigut ilisimannittup oqaasii aamma allattorlugit. Pasineqartut aamma arlaleriarlutik illersuisutik aqqutigalugit nutserinerluttoqarnera uparuaqattaarpaat.
Tamannalu pissutigalugu pasineqartup arnap aappaata illersuisua naggataatigut uparuaavoq.
- Kukkusumik nutserisoqarnera oqaatigineqartaarmat isumaqarpunga imatut ingerlaannarsinnaanngitsugut, Ulloriaq Grønvold oqarpoq.
Suleqatiminit Ulrik Blidorfimit taperserneqarpoq. Naak unnerluussisussaatitaasup oqarasuaatikkut oqalutseqarneq attanniaannaraluaraa eqqartuussisoq naggataani killiliivoq:
– Kalaallit Nunaanni internetsi atorlugu isigaluta oqalutseqarneq sungiusimavarput. Immikkut ilisimasaqarfigigipput oqaatigineqarsinnaavoq. Oqarasuaat atussallugu pitsaanerpaanngilaq.
Taamaattumik ilisimannittunik apersuineq akunneq ataasingajak unikkallartinneqarpoq, tassa oqalutsip toqqaannartumik nutserisinnaanngorniarlugu Aarhusimut eqqartuussivimmukarnerani. Ilisimannittut allat marluk nassuiaatinneqarnerat angumerineqarpoq eqqartuussinerlu nalunaaqutaq 12.14 naammassineqarluni.
Eqqartuussinerup sivitsorneqarnissaa pisinnaasimanngilaq, NSK-miimmi tikittut Danmarkimut aqaguani angerlartussaammata. Taamaammat uuma allaaserisap suliarineqarnerani suliami ilisimannittut marluk suli killisiorneqanngillat.
