Nukissiorfiit: - Misissuineq aqagu aallarteqqinneqassaaq
Nukissiorfiit suli sunarpiaq peqqutaalluni Nuummi qamittuussutaasimanersoq suli paasiniarpaat, misissuinerlu aqagu decembarip 29-ani aallarteqqinneqassaaq.
Nukissiorfiit
Leiff Josefsen
Nukissiorfiit Facebookikkut nalunaarput sunarpiaq peqqutaalluni innaallagiaaruttoqarnersoq misissorneqartoq:
- Massakkumulli paasineqarsimalerpoq ajutoorneq erngup nukissiorfianiit Utoqqarmiut Kangerluarsunnguaniit Nuup tungaanoortut kaapilersuit, transmissionslinje, ilaanneersoq. Misissuineq aqagu aallarteqqinneqassaaq. Massakkumut generatorit tamarmik aallartinneqarnikuupput ingerlaarlutillu. Illoqarfiilli ilai ataasiakkaarlugit.
Ilanngullugu nalunaarutigaat pilersuigallatariaqarlutik, innaallagissamut kiassarneq ilanngullugu ataatsikkut pilersulissagaluarpata qamittooqqinnermik pilersinnaammat.
- Imeqarfiit tamarmik pilersueqqilernikuupput. Ungasianit kiassarneq kissarsuut uuliatortumit pilersorneqarpoq, sulili tamarmik kiassarneqarnerat angummassimanngilaq. Nukissiorfiit Nuup elværkiani sulisut ulloq naallugu ulappupput.
- Naammagittarnissinnullu qujangaarpugut, Nukissiorfiit naggasiivoq.
