DEMOKRAATIT
Nunani allani aallartitaqartitsineq nalilersoqqinneqartariaqarpoq
Illuatungiliuttut, Demokraatit, aalajangiiffigisassatut siunnersuummik saqqummiussipput, Naalakkersuisut peqquneqaqqullugit naalagaaffiup
avataani Kalaallit Nunaata sinniisoqarfiinut aningaasartuutit nalilersoqqullugit.
Jens-Frederik Nielsen ønsker en debat om kriterierne for at åbne repræsentationer uden for Rigsfællesskabet.
Foto: Leiff Josefsen
Nunatsinni sinniisoqarfiit Kalaallit Nunaata avammut politikkianik tikkuussisuussappat, imaluunniit nunanit allanit sinniisoqarfiit pingaarnertut suliassaraat nunanut allanut niunernikkut siuarsaanissaq?
Demokraatit siulittaasuata Jens-Frederik Nielsenip tamanna aalajangiiffigisassatut siunnersuummini apeqqutigaa, nassuiarlugulu sinniisuutitaqarfinnit iluanaarutit siunertaallu oqallisigineqartariaqalersut.
Tikkuussineq
- Aallartitaqarfitta nalilersornerisigut tikkuussisoqarsinnaammat, suup tunngavigisinnaassallugit siunissami,
sinniisoqarfinnik pilersitsisarnissatsinni, Jens-Frederik Nielsen aalajangiiffigisassatut siunnersuummini tunngavilersuivoq.
Aallartitaqarfinnik pilersitsinermi kulturikkut sulinermilu allatigut iluaqutitaqarsinnaasarnera taassuma maluginiarsimallugu nassuiaatigaa, "taakkuli iluaqutitai ilumut imminut akilersissaanersut aallartitaqarnikkut apeqqutaapput".
- Naammanngilaq, sulisutta pikkorissut erfalasorput ataatsimeersuarnerni ilassinninnernilu
takutiinnartarpassuk. Uagutsinnut aalajangiisartuusunut taamaattumik ajornartorsiutaavoq tigussaasoq,
ilisimannginnatsigu aningaasatigut qanoq iluaqutaanersoq, piviusumi, ukiuni kingullerni annertoorsuarnik
aningaasaliisarnitsinnut Bejing, Reykjavik aamma Washington-imi sinniisoqarfinnik pilersitsinernut, Demokraatit siulittaasuat erseqqissaavoq.
Ingerlatsinermut aningaasartuutit amerlisut
- Namminiilivissinnaanngilagut ingerlatsinermut aningaasartuutit annertusinerisigut – aamma nunanut
allanut tunngasunut. Taamaattumik tunngaviusumik kissaatiginerugaluarparput, nunani allani
sinniisoqarfinnut aningaasartuutit qaffannerinut atatillugu nunatsinnut aningaasatigut
iluanaaruteqarnissamut pisortatigoortumik piumasaqaateqartalernissaq. Siullermik isumaqarpugut, tulluassasoq, minnerpaamik aningaasaqarnikkut nassuiaasiornissaq, qanoq annertuutigisumik maannakkut
sinniisoqarfiit isertitanut qaffaataasimanersut, Jens-Frederik Nielsen isumaqarpoq nangillunilu:
- Amerikka avannarlermut soorlu assersuutigalugu niuerneq
annertusisimava Washington DC-mi sinniisoqarfiup ammarnerani? Nalilersuineq taanna ukiakkut 2024-p ingerlanerani agguaanneqarnissaminut piareersimassaaq, nalilersuinerit 2025-imut aningaasanut inatsinnut
ilaatinnissaannut angumersiniassammata.
Aalajangiiffigisassatut siunnersuut Inatsisartunit 23. april oqaluuserineqassaaq.