Kalaallit Nunaanni qulimiguulinnut mittarfiit
pillugit Mittarfeqarfiit nalunaarusiaat 2022-meersoq naapertorlugu nunaqarfiit
katillugit 13-it tassaasut Avannaata Kommuniani Qeqertat, Nutaarmiut, Naajaat
aamma Oqaatsut, Kommune Qeqertalimmi Kangerluk, Qeqqata Kommuniani Kangaamiut,
Atammik aamma Napasoq, Kommuneqarfik Sermersuumi Qeqertarsuatsiaat aamma
Kapisillit kiisalu Kommune Kujallermi Saarloq, lgaliku aamma Qassiarsuk, ilaasunik angallassinermut akuerisaasunik qulimiguulinnut
mittarfeqanngitsut, Ineqarnermut Attaveqaasersuutinullu Naalakkersuisoq
Hans Peter Poulsen, Siumut, Inatsisartunut ilaasortap Jens Napaattuup, Naleraq,
paragraf 37 atorlugu apeqqutaanut akissuteqarluni ilaatigut allappoq. Tamannalu
pissutaalluni nunaqarfinni taakkunani ukioq tamaat qulimiguulinnik ilaasunik
angallassisoqarneq ajorpoq.
Tamanna Naalakkersuisut nunaqarfinni
inerisaanissamut pilersaaruteqannginneranik ersersitsisoq, minnerunngitsumillu
nunaqarfimmi innuttaasunik mittallernertut isigineqartariaqartoq, Jens
Napaattooq oqarpoq.
Kalaallit Nunaanni qulimiguulinnut mittarfiit
pillugit Mittarfeqarfiit nalunaarusiaat 2022-meersoq naapertorlugu nunaqarfiit
katillugit 13-it tassaasut Avannaata Kommuniani Qeqertat, Nutaarmiut, Naajaat
aamma Oqaatsut, Kommune Qeqertalimmi Kangerluk, Qeqqata Kommuniani Kangaamiut,
Atammik aamma Napasoq, Kommuneqarfik Sermersuumi Qeqertarsuatsiaat aamma
Kapisillit kiisalu Kommune Kujallermi Saarloq, lgaliku aamma Qassiarsuk, ilaasunik angallassinermut akuerisaasunik qulimiguulinnut
mittarfeqanngitsut, Ineqarnermut Attaveqaasersuutinullu Naalakkersuisoq
Hans Peter Poulsen, Siumut, Inatsisartunut ilaasortap Jens Napaattuup, Naleraq,
paragraf 37 atorlugu apeqqutaanut akissuteqarluni ilaatigut allappoq. Tamannalu
pissutaalluni nunaqarfinni taakkunani ukioq tamaat qulimiguulinnik ilaasunik
angallassisoqarneq ajorpoq.
Tamanna Naalakkersuisut nunaqarfinni
inerisaanissamut pilersaaruteqannginneranik ersersitsisoq, minnerunngitsumillu
nunaqarfimmi innuttaasunik mittallernertut isigineqartariaqartoq, Jens
Napaattooq oqarpoq.
Aningaasartuutissat nalunarallartut
Kalaallit Nunaani qulimiguulinnut mittarfiit
assigiinngitsuupput, soorlu ilai nalinginnaasumik ilaasunik assartuussinissamut
imaluunniit inuussutissarsiornermi timmisartuussinissanut
atortussanngortinneqartarlutik. Qulimiguulinnut mittarfinnik pilersitsinissamut
aningaasassanik immikkoortitsisoqannginnerani taakkua sanaartornissaannut
pilersaarusiorneqaqqaartussaapput, taamaalilluni naapertuuttumik naggataatigut
aningaasartuutissat missiliorneqarsinnaassallutik.
Kangaamiut, Atammik, Napasoq aamma
Qeqertarsuatsiaat ilaasunik angallassinermut akuerisaasumik qulimiguulinnut
mittarfiliortoqassappata sanaartorneq nunaqarfimmut ataatsimut 3-6 millionit koruunit
missaat aningaasartuutigineqassasut missiliorneqartoq, siusinnerusukkut
Greenland Airportip paasissutissiissutiginikuuaa.
Nunaqarfinnili pineqartuni 13-ini ilaasunik
angallassinissamut akuersissutitalimmik pilersitsisoqassappat aningaasartuutit
tamarmiut qassiussanersut oqaatigineqarsinnaanngikkalluartoq, apeqquteqqaammut
akissummi erserpoq.
Kalaallit Nunaanni qulimiguulinnut mittarfiit
pillugit 2022-mi nalunaarusiaq naapertorlugu, nuna tamakkerlugu qulimiguulinnut
mittarfinnik aserfallatsaaliuinissamut 11 millionit koruunit
pisariaqartinneqassasut naatsorsuutigineqarpoq. Ukiulli ingerlaneranni aningaasat
aserfallatsaaliinermut pisariaqartinneqartut annertunerulersinnaasut
erseqqissaatigineqarpoq.
Kanngunartuliaasoq
Ilaasunik
angallassinermut akuerisaasunik qulimiguulinnut mittarfeqanngitsut pillugit
Naalakkersuisut aaqqissutissamik ersarissumik pilersaaruteqanngitsut, tamannalu
nunaqarfimmiunut mitalliinerusoq, Jens Napaattooq puffassimaaqisoq oqarpoq.
- Akissutigineqartoq
tupinnarpoq akuersaarneqarsinnaananilu.
- Ukiuunerani
sikugaangat nunaqarfiit pineqartut ilaanni innuttaasut qaammatini arlalinni
aallarsinnaaneq ajorput, taamaakkaluartoq aaqqissutaasinnaasunik ersarissumik
takussutissaqanngilaq, tamannalu Naalakkersuisut siunissamut ersarissumik
pilersaaruteqannginnerannik ersersitsivoq.
- Nunaqarfiit
pineqartut inerisaaffigineqannginnerat immikkoortitaanerallu tupinnarlunilu
akuersaarneqarsinnaanngilaq. Tamanna mitalliineruvoq kanngunartuliaallunilu
annertooq, taanna oqarpoq.
Nunaqarfinni
angallannikkut inerisaasoqanngippat tamanna nunaqarfiit inukilliartornerannik
kinguneqassasoq, Jens Napaattooq isumaqarpoq.
Immikkoortitaasutut
misigisimasut
Oqaatsuni
Ilulissat avannaaniittumi aasakkut ukiukkullu ilaasunik angallassisoqarneq
ajorpoq, taamaattumik innuttaasut allamut nikissagaangamik umiatsiaaqqamik
angalasariaqartartut, nunaqarfimmi aqutsisuni ilaasortaq Hans Eliassen oqarpoq.
- Ukiukkut
sikugaangat angalaniarneq assorujussuaq ajornarsisarpoq, taamaattumik ukiumut
qaammaterpaalussuarni avammut matoqqasarpugut.
- Oqaatsuni
aalisarneq aalisakkanillu tunisassiorneq ingerlalluaraluartoq angallannikkut
inerisaasoqanngilaq, taamaattumik nunaqarfik aningaasanik aallerfissaannartut
isigneqartoq isigineqarpugut Naalakkersuisusuniit immikkoortitaasutut
misigisimavugut, taanna oqarpoq.
Polar Seafood A/S
nunaqarfimmilu innuttaasut piginneqatigiillutik Oqaatsuni aalisakkanut
suliffissuaateqarput.
Qeqertat 40-t sinnilaarlugit inoqarpoq.
