Nutaarsiassaqartitsivimmi
pisortaasimasoq, Kalaallit Nunaata Radioani (KNR) apriilip aappaani
atorfinitsinneqartoq, nutaarsiassaqartitsivimmi atorfillit juunip 28-ani
ernumassuteqarlutik allakkatigut soraarseqqusaat juulip aallartinnerani
soraarnini pillugu soraarnerussutisiaqarnini angerlamut angalanissani
ilanngullugit 300.000 koruuningajannik aningaasarsissutigaa. KNR-imi aqutsisut
Sermitsiamut akissuteqarlutik taama ilisimatitsipput, erseqqissarlugulu
nutaarsiassaqartitsivimmi pisortaasimasoq soraarsitaasimanngitsoq.
Nutaarsiassaqartitsivimmi
pisortaasimasup soraarneranut atatillugu aningaasartuutit 286.524,16
koruuniupput, soraarnerussutisiassai angerlamullu angalanera ilanngullugit.
Nutaarsiassaqartitsivimmi pisortaq ASG-p pisortanut isumaqatigiissutaa tamanut
atuuttoq naapertorlugu akissarsiaqarpoq. KNR-imi nutaarsiassaqartitsivimmi
pisortap qaammammut akissarsiai aalajangersimasut akissarsiat immikkoortuini
38-miittut 1. april 2022-mi qaammammut 59.906 koruuniupput, KNR Sermitsiamut taama nassuiaavoq.
Nutaarsiassaqartitsivimmi
pisortaasimasoq, Kalaallit Nunaata Radioani (KNR) apriilip aappaani
atorfinitsinneqartoq, nutaarsiassaqartitsivimmi atorfillit juunip 28-ani
ernumassuteqarlutik allakkatigut soraarseqqusaat juulip aallartinnerani
soraarnini pillugu soraarnerussutisiaqarnini angerlamut angalanissani
ilanngullugit 300.000 koruuningajannik aningaasarsissutigaa. KNR-imi aqutsisut
Sermitsiamut akissuteqarlutik taama ilisimatitsipput, erseqqissarlugulu
nutaarsiassaqartitsivimmi pisortaasimasoq soraarsitaasimanngitsoq.
Nutaarsiassaqartitsivimmi
pisortaasimasup soraarneranut atatillugu aningaasartuutit 286.524,16
koruuniupput, soraarnerussutisiassai angerlamullu angalanera ilanngullugit.
Nutaarsiassaqartitsivimmi pisortaq ASG-p pisortanut isumaqatigiissutaa tamanut
atuuttoq naapertorlugu akissarsiaqarpoq. KNR-imi nutaarsiassaqartitsivimmi
pisortap qaammammut akissarsiai aalajangersimasut akissarsiat immikkoortuini
38-miittut 1. april 2022-mi qaammammut 59.906 koruuniupput, KNR Sermitsiamut taama nassuiaavoq.
Isumaqatigiissutip
qanoq ittuunera aalajangiisuulluinnartoq Danmarks Medie- og
Journalisthøjskolemi ilisimatusarnermut tunngasunik lektori aamma centerimi
pisortaq Roger Buch oqarpoq. Tasaa atorfimmit soraanermi imaluunniit
soraarsinaanermi isumaqatigiissut aalajangiisuusartoq.
–
Isumaqatigiissuteqarpoq, soorunami aamma isumaqatigiinniartoqartarluni.
Kalaallit Nunaannilu allaanerussutigaa assersuutigalugu Danmarkimiit
nunasigaanni tamanna akisusinnaasarmat. Kalaallit Nunaanni suliffittaarneq
misiliineruvoq naluaralu isumaqatiginninniarnermi tamakku
ilanngunneqarsimanersut, Roger Buch oqarpoq.
Nutaarsiassaqartitsivimmi
pisortaq sivikitsumik atorfimmineereersoq isornartorsiorneqarluni aallartippoq
sulisullu arlallit soraarlutik. Juunip naanerani isornartorsiuineq
sakkortunerpaavoq tassani aqutsisunut ernumassuteqarnermik allagaqartoqarluni,
tamatumalu kingorna ataasinngornermiit juulip aallaqqaataaniit sulianik
unitsitsinissamik aarlerisaarisoqarluni. Tamanna pissasoq
nutaarsiassaqartitsivimmi pisortaq atorfimminit soraarsinneqarsimanngippat.
Juunip 30-ani sulianik unitsitsinissaq taamaatinneqarpoq. Sermitsiap
paasissutissaatai naapertorlugit nutaarsiassaqartitsivimmi pisortaq
angerlartinneqarsimammat. Sapaatip akunnera qaangiummat nalunaarutigineqarpoq
nutaarsiassaqartitsivimmi pisortaq KNR-ip aqutsisuinut ilaajunnaartoq.
Aningaasatigut akisussaassuseqarneq
Nutaarsiassaqartitsivimmi
pisortap soraarnissaa sioqqullugu arlallit tupigusuutigaat qaammatini pingasuni
misiliutitut sulinerani suliunnaarsinneqarsimannginnera. Taamaaliornikkut
300.000 koruuningajaat tamakkerlugit ilaannaalluunniit sipaarneqarsinnaasimassagaluarmata.
Nutaarsiassaqartitsivimmi
pisortaq isumaqatigiissummi qaammatini pingasuni misiliummik
suleqqaarsimanersoq KNR-ip oqaatigiumanngilaa, innersuussutigalugu
"sulisut ataasiakkaat atugaat oqaaseqarfigineq ajorlugit. Misiliummik
sulisoqassanersoq taassumalu qanoq sivisutigissanera atorfillit pillugit
inatsit naapertorlugu sulisitsisup atorfillillu akornanni
isumaqatigiissutigineqarsinnaavoq."
Taanna pillugu Roger Buch ima oqarpoq:
– Pisortat suliffeqarfiutaat tamarmik aningaasaqarnikkut
akisussaassuseqarnissamik pisussaaffeqarput. Tassa pisortat
suliffeqarfiutaannut suna pitsaanerpaanersoq eqqarsaatigisariaqarpaat.
Sipaarniartoqartariaqarpoq aningaasallu atupilunneqassanatik. KNR-imi
misiliummik sulereernerup kingorna ullut tallimat qaangiunneranni taama
pisoqarnersoq takujuminaappoq. Illuatungaanili
isumaqatiginninniutigineqarsimasinnaavoq tassa misiliummik sulereernerup
qaangerlugu pineqartoq qaammatini arlalinni aningaasarsitinneqarluni.
KNR-imi nutaarsiassaqartitsivimmi pisortatut atorfik
inuttassarsiuunneqarpoq. Qinnuteqarfissaq oktobarip
15-ianut killeqarpoq. Siulersuisunut siulittaasussamik toqqaasussat tassaapput
Naalakkersuisut.
