Spania Kalaallit Nunaannik suleqateqarnerulerusuppoq. Spaniap Danmarkimi aallartitaa María Victoria González Román, Nuummut Ilulissanullu septembarip aappaaniit qulingiluaanut tikerartoq, oqarpoq.
- Kalaallit Nunaanni takornariaqarneq siuariartorpoq – takorloorparalu Kalaallit Nunaata takornariaqarnermut tunngasunik ilisimasaqarnerput iluaqutigisinnaagaa, najukkani nunamilu tamarmi. Piujuartitsisumik takornariaqarneq misilittagaqarfigilluarparput, tamannalu Spaniami, 48 millioninik innuttalimmi ukiullu tamaasa takornariat marloriaatingajaannik amerlanerusut tikeraartarfianni, pingaartinneqarpoq.
Spania Kalaallit Nunaannik suleqateqarnerulerusuppoq. Spaniap Danmarkimi aallartitaa María Victoria González Román, Nuummut Ilulissanullu septembarip aappaaniit qulingiluaanut tikerartoq, oqarpoq.
- Kalaallit Nunaanni takornariaqarneq siuariartorpoq – takorloorparalu Kalaallit Nunaata takornariaqarnermut tunngasunik ilisimasaqarnerput iluaqutigisinnaagaa, najukkani nunamilu tamarmi. Piujuartitsisumik takornariaqarneq misilittagaqarfigilluarparput, tamannalu Spaniami, 48 millioninik innuttalimmi ukiullu tamaasa takornariat marloriaatingajaannik amerlanerusut tikeraartarfianni, pingaartinneqarpoq.
- Kalaallit Nunaata Spaniallu umiarsuaatileqatigiiffiisa akornanni niuernikkut attaveqatigiinneq ineriartoreerpoq, ingammik umiarsualiorfik Vigo umiarsuarnik assartuutinik arlalinnik sanaartorsimasoq kiisalu Pinngortitaleriffiup umiarsuaa ilisimatusarfiusoq nutaaq Tarajoq. Tamatumunnga ilanngullugu umiarsualiorfik Murueta Bilbaomiittoq Royal Greenlandimut kilisaatinik arlalinnik sanaartorsimasoq.
- Kalaallit Nunaanni mittarfinni nutaani atortorissaarutit Spaniamiut teknologiiannik sanaajupput, soorluttaaq Greensatimi, Kalaallit Nunaanni illoqarfinnut mikinerusunut internettimik attaveqaatiliortumi, suleqataasugut.
Arsaannermi assammik arsarnermilu suleqatigiinneq - Kalaallit Nunaata Spaniallu akornanni suleqatigiinnerit amerlaqaat. Takorloorpara siunissami kulturimut tunngatillugu tapertaasinnaasugut soorlu qitittarnermut filmiliornermullu tunngassutilinnik. Aamma kalaallit Spaniamiut timersornerannik nuannarisaqarluarnerat eqqarsaatigalugu timersornikkut paarlaasseqatigiittarnerit allatigulluunniit suleqatigiinneq soqutigineqarput, ingammik arsaannermi assammik arsaannermilu.
- Kiisami ilinniartitaanermut kulturimullu tunngasuni suleqatigiinneq Spaniap nukittorsarusuppaa. Ilinniartitaanermut tunngatillugu Spaniap soqutigivaa Spaniamiutut, nunarsuarmi inuit 500 millionit oqaatsiminnik oqaluttut oqaasiinik, ilinniarnissamut periarfissat annertusarnissaat.
Spaniamiut Nuummi aallartitaqarfiata ammarneqarneranut atatillugu Spaniamiut aallartitaa Kalaallit Nunaannut tikeraarpoq.
Sinniisoq nutaaq Jesper Hansen, BankNordikimi Kalaallit Nunaanni pisortaq, Spaniami ataqqinaammik sinniisutut siorna toqqarneqartoq, taannalu Spaniamut attaveqarnermi Kalaallit Nunaanni qitiusussaavoq.
- Spaniamiutut oqalussinnaanngilanga Kalaallit Nunaanniittunilu amerlanernit Spania pillugu siorna ilisimasaqarnerunanga, neqeroorfigineqaramali akuersivunga. Ataqqinaataavoq annertooq - attaveqaatillu annertusarneqarnissaanut ikiuunnissara qilanaaraara.
Pinngortitaleriffiup umiarsuartaava ilisimatusarnermut atortussaq Tarajoq Spaniami
sanaartorneqartut ilagaat.
Assi: Leiff Josefsen
Jesper Hansen Spaniami siorna ukiakkut sinniisunngorpoq, Spaniamiut kunngiat Felipe aamma dronning Letizia Danmarkimi tikeraarneranni naapinnerini.
- Ataqqinaammik sinniisoqarfiup Kalaallit Nunaata pingaaruteqarnera annertusiartornera uppernarsarparput, Spaniap aallartitaa oqarpoq.
- Kalaallit Nunaanni Spaniamiut qassiunersut ilisimaqqissaanngilagut, Kalaallit Nunaatali takornariaqarnerup, ilisimatusarnerup aamma periusissiornerup tungaatigut pingaaruteqarnera annertusiartormat naatsorsuutigineqarpoq Spaniamiut nunaqavissut Spaniamiullu takornariat siunissami amerliartornissaat. Nuummilu sinniisoqarfiup taakkununnga attaveqarneq oqinnerulersissavaat tulluartumillu kiffartuussinnaassallugit.
Spaniamiut Kalaallit Nunaanni sinniisoqarfia nutaaq Bank Nordikip Nuummi qullersaqarfiani sinniisup Jesper Hansenip allaffianiippoq.
