ULLORMUT NALUNAARUSIAQ
Nuummi annertunngitsumik ikuallattoqartoq – ullorissap anarigunagaa ersarissoq ajunaalernermut ikumatitaasorineqartoq
Nuummi biilileriffik pingasunngornerup unnuaani ikuallappoq. Inuit arlallit ajunaalernermi aallartinneqartartumik marlunngornermi unnukkut takusorisut politiinut aamma nalunaaruteqarsimapput. Ullorissap anaa ersarissoq takuneqarsimagunartoq politiit naliliipput.
Assi: Oscar Scott Carl
Nuummi Industrivejimi biilileriffimmi ikuallattoqartoq politiit marlunngornerup unnuaani nal. 01.41 nalunaarfigineqarput.
Politiit qatserisartullu ornigullutik ikuallattoq qamissimagaat, pigaartut pisortaat Poul Kreutzmann oqarpoq. Pigisat ajoqusersimapput inunnillu ajoqusertoqarani.
Qanoq ikuallattoqalersimanersoq politiit suli paasinngilaat, sumiiffimmili pasinarsinnaasumik takunnittoqarsiappat politiinut oqarasuaammut 70 14 48-mut saaffiginnittoqarsinnaavoq.
Nuummi inuusuttut biilinik arlalinnik aamma aallarussisimapput.
Innuttaasut biiliminnik isumannaarinnillutillu matuminnik paarnaarsisarnissaat pigaartut pisortaata kaammattuutigaa. Pinerluuteqarniammi inuit angerlarsimaffiinut iserlutik matuersaatissarsiortarput.
Nalunaarutiginnittut arlallit ajunaalernermilu ikumatitaq
Innuttaasut arlaqartut ajunaalernermi ikumatitamik takusorisut marlunngornermi unnukkut nalunaaqutaq 22.30 missaani politiit nalunaaruteqarsimasut pigaartut pisortaata aamma paasissutissiissutigaa.
Politiit annaassiniarnermik suliamik aallartitsipput, taannali maanna taamaatinneqarpoq.
Nalunaarutiginninnerit Sisimiuniit Uummannamut pisimasut Poul Kreutzmann oqarpoq. Ullorissalli anarnera ersarissuusimagunartoq nalunaarutiginnittut takusimassagaat ilimagineqarpoq.
Takunnittut arlallit naapertorlugit qaammartoq qorsuuvoq sakkortooq, taannalu ajunaalernermi ikumatinneqartartuusorineqarsinnaalluni.
