KL

DK

Nuummi anorersuarnissaa aarlerisaarutigineqarpoq – timmisartut nunamiiginnassapput

Illoqarfiit pingaarnersaanni ataasinngornerup unnuaaniit ualilluarneranut anorersuarnissaa aarlerisaarutigineqarpoq.

Nuummi anorersuaraangat aqqusinikkut angallanneq Unammillernartoqartarpoq. Biilertoq una qujanartumik ikiorneqarpoq.
Morten Okkels Tusagassiortoq
Saqqummersinneqarpoq

Nuummi innuttaasut sapaatip-akunnerata aallartinnerani anorlernissaa piareersimaffigisariaqarpaat, silasiortut taama nalunaaruteqarput.

Anorersuarujussuaq kujammut 20-23 m/s-imik sakkortussuseqassasoq, anoraasuartarneralu 33-36 m/s-imik sakkortussuseqassasoq DMI-mit naatsorsuutigineqarpoq.

Anorersuarnissaanik ilimasaarut ataasinngornermi unnuakkut ataatsimiit ualikkut sisamat tungaanut atuuppoq.

Air Greenlandip tamanna pissutigalugu ataasinngornermi Nuummut Nuummillu, Atlantiku qulaallugu nunallu iluani, timmisartuussinerit arlallit taamaatippai.

Ilaasussat eqqugaasut ilisimatinneqareerput aammalu marlunngorpat pingasunngorpalluunniit timmisartunut allanut inissinneqarnissaat naatsorsuutigineqarpoq, Air Greenland allappoq.

samfund inuiaqatigiit

ATORFIIT Se alle jobs

Powered by Labrador CMS