Eqqartuussisoqarfik Sermersuumi kokainimut tunngatillugu suliaq Sermitsiap malinnaanera nangeqqippoq. Sulimut tunngatillugu ilisimannittut ataasinngornermi oqaluttuartinneqarput.
Ilisimannittoq siulleq tassaavoq, angut ukiualuit matuma siorna, aalisakkanik suliffissuarmut suliartorluni Nuummut tikittoq. Inissiami aalajangersimasumi susoqarsimanersoq oqaluttuassaaq. Inissiaq Nuup kujataatungaaniippoq, eqqartuussiviup ungasinngisaani.
Eqqartuussisoqarfik Sermersuumi kokainimut tunngatillugu suliaq Sermitsiap malinnaanera nangeqqippoq. Sulimut tunngatillugu ilisimannittut ataasinngornermi oqaluttuartinneqarput.
Ilisimannittoq siulleq tassaavoq, angut ukiualuit matuma siorna, aalisakkanik suliffissuarmut suliartorluni Nuummut tikittoq. Inissiami aalajangersimasumi susoqarsimanersoq oqaluttuassaaq. Inissiaq Nuup kujataatungaaniippoq, eqqartuussiviup ungasinngisaani.
UNNERLUUTIGINEQARTUT PILLUGIT PAASISSUTISSAT
S 44-nik ukioqarpoq Odensemilu inunngorsimalluni. S-ip ukiuni qulini pineqaatissinneqarnissaa unnerluussisumit kissaatigineqarpoq. S unnerluutigineqarpoq kokainimik katillugit 488,5 gramimik cannabisimillu naatitsinermut peqataasimasutut unnerluutigineqarluni. Taanna pisuunnginnerarpoq.
N 37-nik ukioqarpoq Nuummilu inunngorsimalluni. N-ip ukiuni sisamani pineqaatissinneqarnissaa unnerluussisumit kissaatigineqarpoq. N unnerluutigineqarpoq 112 gramimik kokainimik tigummiaqarsimasutut, taannalu S-imit tuniniagaassatut pissarsiarisimassaagaa ilimagineqarluni. Unnerluutigineqartup taamaattoqannginnerarpaa, kisianni 30 gramimik nammineq atugassarisimanerakkaminik pisinini nassuerutigaa.
Ikiaroonartulerinermut tunngatillugu unnerluutigineqarnermik saniatigut angutit pineqartut tamarmik immikkut unnerluutigineqarputtaaq sioorasaarisimasutut, taamatuttaq N tarnikkut persuttaasimasutut unnerluutigineqarpoq. Unnerluussissutaasunut aamma taakkununnga pisuussuteqannginnerarput. Eqqartuussineq sioqqullugu tamarmik Nuummi pineqaatissinneqarsimasunut inissiisarfimmi tigummineqarput.
Unnerluussissutigineqartoq naapertorlugu cannabisit imaluunniit cannabisit naatitassat 96-it inissiamiipput. Erngup aqqutaa aamma ajoquteqarsimagunarpoq.
Ilisimannittoq unnerluutigineqartup S-ip inissiamut imermik masaqisumukaassimagaani oqaluttuarpoq. S-ip imeq allarteqqullugu ikiortiseraa.. Pissutsip paatsiveerunnarput, sivitsunngitsorlu alla takkuppoq.
Erngup aqqutaanik ajutoornerunersoq imaluunniit alla pissutigalugu politiit ornigunnersut paasinarpianngilaq.
Ilisimannittup unnerluutigineqarsinnaanngitsoq
Ilisimannittoq imermik paarisaqarluni naasut avatangeralugit issiasumik immiussaq unnerluussisup inatsisilerinermut siunnersortip Brian Viholtip takutippaa. Ilisimannittup videomiittuunini uppernarsarpaa. S inissiamut matuersaateqarnersoq unnnerluussisussaatitaasup paaserusuppaa. Ilisimannittup taanna akisinnaanngilaa.
Ilisimannittoq unnerluutigineqarsinnaajunnaarsitaanikuuvoq, tassa eqqartuussivimmi unnerluutigineqarnissani annilaangagisariaqanngilaa. Tamaaattumillu eqqortumik oqaluttuartussaatitaalluni eqqartuussivimmut aggersagaanikuuvoq.
Puussiat cannabisissanik imallit politiit inissiamit nassaarisaat unnerluussisup takutikkusuppai. Taakku tassaapput cannabisit. oqaluttuarpoq, politiillu misissuineranni cannabisiunerat uppernarsineqarput.
Unnerluussisussaatitaasup paasissutissanik tamakkuninnga kingusinaarluni tunniussisoq illersuisoq Thomas Wiemann isumaqarpoq, eqqartuussisulli Sikkerninnguaq Lynge Hardip saqqummiussinissaq akueraa.
Politiit puussiat imarisaat pillugit inerniliinerat illersuisup apeqqusissagaa ilimagineqarsinnaavoq.
