Nuummi pisuinnaq biilinik aporneqarluni ajunaarpoq

Nuummi sisamanngornermi unnukkut nal. 22.44 aqqusinermi ajutoortoqarneranik politiit nalunaarfigineqarput.

Arnaq pisuinnaq ingerlasoq 50-it sinnerlugit ukiulik biilinit aporneqarsimasoq kingornalu toqusoq pigaartut pisortaat Jeppe Andsager oqarpoq.

Ajutoorneq Nuup qeqqani Brugsenip kommunillu akornanni pivoq.

Biilini arnamik apuisuni aquttoq angutaavoq 29-nik ukiulik.

Misissuineq suli ingerlammat pigaartut naalagaat ajutoornermut atatillugu qanorpiaq pisoqarsimaneranik imaluunniit angutip tigusarineqarsimaneranik paasissutisseeqqissinnaanngilaq.

Autoornermut takunnissimasinnaasunik politiit tusarusuttut pigaartut pisortaat aamma oqarpoq.

Politiit oqarasuaat 70 14 48-mut sianerfigineqarsinnaapput.