Nuummi nutaamik politeeqarfeqalernissaa Kalaallit Nunaanni Politiinit qangali kissaataasimasoq, politiit pisortaat Bjørn Bay oqaluttuarpoq.
- Maannakkorpiaq illoqarfiit pingaarnersaanni sumiiffinni sisamani inissisimavugut. Politeeqarfitoqaq, Notabenep akiani politeeqarfik pingaarneq, Qapiarfiusaami politeeqarfik sumiiffimmilu allami alla. Tamatuma saniatigut allanik attartugassarsiorpugut.
Nuummi nutaamik politeeqarfeqalernissaa Kalaallit Nunaanni Politiinit qangali kissaataasimasoq, politiit pisortaat Bjørn Bay oqaluttuarpoq.
- Maannakkorpiaq illoqarfiit pingaarnersaanni sumiiffinni sisamani inissisimavugut. Politeeqarfitoqaq, Notabenep akiani politeeqarfik pingaarneq, Qapiarfiusaami politeeqarfik sumiiffimmilu allami alla. Tamatuma saniatigut allanik attartugassarsiorpugut.
- Aaqqissuussaanikkut, aqutsinikkut pitsaasumillu sulinissaq eqqarsaatigalugu taama amerlatigisuni najugaqarneq naapertuutinngilaq. Tamatuma saniatigut sumiiffinni allaffiit aamma initoorsuunngillat, tattorliuuppugullu. Pitsaasumik sulinissamut tamanna iluaqutaanngilaq,
- Inatsisissatut siunnersuutit Folketingimi akuersissutigineqarnissaat suli amigaatigaarput, taamaattumik politeeqarfissap pilersaarusiornissaa suli aallartinngilarput – sulilu sumiiffissarsinagu.
Sanaartugassamut
piumasaqaaterpassuit
- Kalaallit Nunaanni Politiinut pingaarnerpaavoq politeeqarfiup nutaassap siunissamut qulanaarnissaa, allilerneqarsinnaalluni siunissamilu politiini sulinermut piumasaqaatinut naleqqulluni, Bjørn Bay oqarpoq.
- Illorsuarmik naleqqussinnaasumik pissarsinissaq tunngaviatigut ajorinngilarput, politeeqarfimmulli nutaamut piumasaqaaterpassuupput, nalinginnaasumimmi allaffimmiit allaanerujussuuvoq.
- Soorunami upalungaarsimasoqarfimmut inissaqassaaq – aamma angisuumik iliuuseqarnernut inissaqassaaq, nunat tamalaat akornanni arlaanik pisoqartillugu suliffiusinnaasumik.
- Tamatuma saniatigut aamma isertitsiveqassaaq, uppernarsaatillu suliarinerannut immikkut inissaqarluni. Ikiaroornartulerinermi aamma silaannarissarfeqassaaq. Taamaattumik isumaqarpunga politeeqarfimmik nutaarluinnarmik sanasoqassasoq imaluunniit illorsuarmik nutaanerusumik sukumiisumik allanngortiterneqarnermigut naleqquttumik.
Sumiiffissaa
ilisimaneqanngitsoq
- Sumiiffiusinnaasumik suli nassaanngilagut. Pitsaanerpaassagunarpoq Maliup qatserisarfiullu eqqaaniinnissaa, Nuummut, Nuussuarmut, mittarfimmut, Qinngutsinnut umiarsualivimmullu qanittumiilluni, Bjørn Bay oqaluttuarpoq.
- Aamma eqqortuusinnaanngilaq politeeqarfiup aqquserngup isuaniinnissaa. Isumannaallisaanikkut tamatigut minnerpaamik sammivinnit marlunniit tikinneqarsinnaassaaq, taamaalilluta mattuteqqanata – soorlu biilinik ajutoortoqarpat.
Nuummi
politeeqarfissap nutaap qaqugu naammassinissaa oqaatigissallugu
siusippallaarpoq.
- Inatsisinik atuutsitsinermut inatsisiliassat Folketingimi akuerineqarpata naalagaaffiup politiivi sanaartornermullu aqutsisoqarfik sanaartortitsisussat suleqatigalugit aallartissaagut, Bjørn Bay oqarpoq, illorsuullu atulernissaa qilanaarilereerlugu.
- Maannakkut inissisimaneq ulluinnarni ilungersunartorpassuaqarpoq. Nutaamik politeeqarfeqalernikkut sulilluarnissatsinnut periarfissaqarnerulissaagut – kissaatitta annersaraat.
