KL

DK

DØGNRAPPORTI

Nuummi tillinniaqaqattaartoq

Nuummi pingasunngornermut unnuaani tillinniaqaqattaarlunilu imigassartorsimanermullu attuumassutilinnik pisoqaaluppoq.

Thomas Munk Veirum
Journalisti
Saqqummersinneqarpoq

Politiit akunnerni kingullerni 24-ni suliaqaqisut, politiit pigaartuisa pisortaat Aputsiaq Hanseni Sermitsiamut ullaaq manna ilisimatitsivoq.

Politiit suliarpaalui angerlarsimaffimmi eqqissiviilliornermut, imigassartorpallaarsimanermut aqqusinermilu eqqissiviilliornermut tunngasuusut sineriammi sumiiffinni assigiinngitsuni ingammilli Nuummi pipput. Pisut taakkua imigassartorpallaarsimanermik aallaaveqartut, politiit pigaartuisa pisortaata oqaatigaa.

Tamatuma saniatigut Nuummi aamma tillinniaqaqattaarpoq.

Tassa sunngiffimmi ornittakkami aamma Katersugaasivik Nuutoqami tillinniartoqartillugu kalerrisaarutit aallartissimapput. Sumiiffinni taakkunani tillittoqarsimanersoq, politiit suli misissorpaat.

Angerlarsimaffiit ilaannut tillinniartoqarpoq, tassani biilinut matuersaatit tilleriarlugit biilit aallarunneqarsimallutik.

Biilit Nuummi unnuaq aallarunneqartut politiinit ujaarineqaleruttorpoq.

aputsiaq hansen politiit imigassamik attuumassuteqartunik pisoqartarnerit nuuk isertitsisarnerit inuiaqatigiit

Atorfiit tamaasa takukkit

– Se alle jobs

Powered by Labrador CMS