Nuummi ujaasisoqartoq: 14-inik ukiulik ajunngitsoq nassaarineqarpoq
Nukappiaraq 14-inik ukiulik ilaquttaminit ernumassuteqartunit tallimanngornermi unnukkut ujaarineqarpoq, arfininngornerullu unnuaani ajunngitsoq politiinit nassaarineqarpoq.
Kalaallit Nunaanni Politiit qatserisartut suleqatigalugit tallimanngornermi unnukkut ujaasipput nukappiaraq ujaarineqartoq nassaariniarlugu.
Assi: Kalaallit Nunaanni Politi
Kalaallit Nunaanni Politiit qatserisartullu Nuup eqqaani ujaasinermik tallimanngornermi unnukkut aallartitsipput. Ujaasineq aallartippoq nalunaaqutaq 20.15 nukappiaraq 14-inik ukiulik ujaarineqarluni.
- Nukappiaraq 14-inik ukiulik ilaquttaminit ujaarineqarpoq. Pissutsit ernumanartoqarsinnaammata politiit qatserisartullu ingerlaannaq ujaasinermik aallartitsipput, Kalaallit Nunaanni Politiini pigaartut pisortaat Jeppe Andsager Sermitsiamut oqarpoq.
Nuummi pineqaatissinneqarsimasunut inissiisarfiup eqqaani aamma Quassussuup nalaatigut cirkussøp tungaanut ujaasisoqarpoq, ujaasinermilu aamma drone atorneqarluni.
Politiit nalunaarput nukappiaraq arfininngornerup ullaassaani nalunaaqutaq 01.30 missaani nassaarineqartoq.
- Nukappiaraq ajunngitsoq nassaarineqarpoq, ilaquttaminullu angerlarsimalereerluni, politiit nalunaarput.
