Christina Angela Gulisanop, paasissutissanik nakkutiliisoqarfimmi pisortap, suleqataasalu Nuummi innuttaasut alapernaatsullu allat marlunngormat septembarip aallaqqaataanni paasissutissanik nakkutilliisoqarfiup allaffianut ammaqqammersumut tikilluaqquaat.
Ammaanersiorneq suliniummut maanna ukiup aappaa avillugu ingerlanneqarsimasumut naammassinninneruvoq, pisortaq AG-mi aviisiliortumut ammaanersiornermi ilassinninnermut takkussimasumut oqarpoq.
Christina Angela Gulisanop, paasissutissanik nakkutiliisoqarfimmi pisortap, suleqataasalu Nuummi innuttaasut alapernaatsullu allat marlunngormat septembarip aallaqqaataanni paasissutissanik nakkutilliisoqarfiup allaffianut ammaqqammersumut tikilluaqquaat.
Ammaanersiorneq suliniummut maanna ukiup aappaa avillugu ingerlanneqarsimasumut naammassinninneruvoq, pisortaq AG-mi aviisiliortumut ammaanersiornermi ilassinninnermut takkussimasumut oqarpoq.
- Inuit takkuttut tikilluaqqusinnaagatsigit nuanneqaaq, allaffimmik ammaanerput maanilu Kalaallit Nunaanni najuunnermik nuannaarutiginninnerput takusinnaaniassammassuk, Cristina Angela Gulisano oqarpoq.
Paasissutissanik Nakkutilliisoqarfik naalagaaffiup oqartussaqarfigaa sumulluunniit attuumassuteqanngitsoq, tamatumani paasissutissanik illersorneqarnissamut inatsisit - suli angerlaanneqanngitsoq - Danmarkimi maanilu atuutsinneqarnissaat qulakkeerniarlugu. Assersuutigalugu inatsisit inuit ataasiakkaat suliffeqarfinnut pisortatigoortumilluunniit paasissutissanik inuttut qanoq ittunik toqqortaatigineqarnerminnik paasiniaanissamut periarfissiisinnaasut atuupput.
Nuummi Industrivejimi ilassinnittoqarmat neqit saniatigut kaagit, kapisilik aamma kuannit sassaalliutigineqarput.
Assi: Birgitte Kjeldsen
- Inuttut nammineerlutit immaqa ’paasisaqarluarsinnaassaatit’, aammali suliffeqarfimmut namminersortumut pisortatigoortumulluunniit iluaqutaassaaq, paasissutissammi ilinnut tunngasut misissorsinnaagakkit. Imaassinnaammat kukkusunik aaqqinneqartarialinnik nalunaarsorneqarsimasutit, Paasissutissanik Nakkutilliisoqarfimmi pisortaq nassuiaavoq.
Aviisimi maani siusinnerusukkut allaaserineqareersutut Nunatsinni oqartussat kissaateqarnerisigut Paasissutissanik Nakkutilliisut allaffeqarfimmik ammaapput. Taakku Digitalinngortitsinermut Aqutsisoqarfik qanimut suleqatigilereersimavaat.
Unammillernartut suliassallu suut immikkut sammisassanerlugit nalunngereerpisigik?
- Massakkorpiaq paasissutissanik illersorneqarnissamut tunngatillugu ilisimasakippallaarneq sammineqarnerpaavoq. Tunngaviusut nassuiarneqartariaqaramik - soorlu paasissutissat inummut tunngasut suunersut, Cristina Angelo Gulisano akivoq.
- Maaniinnissarput qilanaarisorujussuugatsigu. Maannami Kalaallit, suliffeqarfiit oqartussallu maani naapissinnaalerpavut. Taamaattumik aallaqqaammulli paasissutissanik illersuineq pillugu oqariartuut siammarterniarlugu pilersaarutigaarput, oqarpoq.
Innuttaasutut, suliffeqarfittut oqartussaasutulluunniit paasissutissanik illersorneqarnissamut tunngasunik imaluunniit pisinnaatitaaffinnik paasisaqarnerorusukkuit Paasissutissanik Nakkutiliisoqarfiup nittartagaanut datatilsynet.gl-imi alakkaasinnaavutit imaluunniit Industrivej 31-mut Nuummiittumut aqqusaarsisinnaavutit.
Paasissutissanik Nakkutilliisoqarfik Københavnimi qullersaqarfeqartoq 75-inik sulisoqarpoq, taakkunannga marluk pingasulluunniit siunissami Nuummi sulissallutik.
Assi: Birgitte Kjeldsen
