PALMIT SAPAATAAT
Pavi Peterspladsenimi naalagiarnerup kingorna takkuttunut ilassiuivoq
Peterspladsimi Rom-imi sapaammi naalagiaqatigiinnerup kingorna Pavi Frans najuuttunut ilassuivoq meeqqanullu mamakujuttunik agguaassilluni.
Peterspladsimi najuuttut ilimasunngeruttortut Pavi Fransip angalaarfigalugillu ilassiorpai.
Assiliisoq: Simone Risoluti/Reuters
Romimi Peterspladsenimi naalagiaqatigiinnerup kinguninngua Pavi Frans najuuttunut ilassiuivoq.
Taama allappoq nutaarsiassaqartitsivik AFP.
Taamaalilluni pavi 88-nik ukiulik sapaatit aappassaa ataannartumik tamanut saqqummerpoq sapaatip akunnerini tallimani napparsimalluni uninngareernermi kingorna.
- Palmit sapaataanni pilluaritsi, sapaatip akunnera eqqissinartoq pillugu pilluaritsi, pavi katersuussimasunut oqarpoq.
Pave Frans Palmit sapaataanni naalagiarnerup kingorna najuuttunut oqalugiarpoq.
Assiliisoq: Simone Risoluti/Reuters
Meeranut mamakujuttunik agguaassivoq, kaassuartakkanik angallateqarluni oqaluffissaarsuup silataani katersuuttarfimmi angalaarpoq. Angalaarnerminittaaq unillattaarluni arnat mattuttut arlallit oqaloqatigivai.
Siusinnerusukkutut pavip angalaarnermini iltimik anersaartuutissaminik atortoqanngilaq.
Sisamangornermi aamma pavi naatsorsuutigineqanngitsumik Peterskirkenimi takkuppoq. Takkunnera siumoortumik nalunaarutigineqarnikuunngilaq Vatikanip pisortatigoortumik pilersaarutaani.
Taamatuttaaq sapaatip akunnerata aallartilaarnerani Pavip Tuluit Nunaata Kunngia Charles aamma dronningi Camilla naapippai.
Nakorsat pavimut siunnersuutigaat peqqissarnermini qaammatini marlunni qasuersaarluni ataatsimoornerni angisuuni peqataanaveersaassasoq.
Gemelli-p napparsimaviani Romimi 23. marts uninngarerluni pavi angerlarnikuuvoq, uninnganeranullu pissutaavoq puammigut illuttut nipititsisimammat.
