KL

DK

Peqqissutsimut naalakkersuisoqarfimmi pisortaq taarserneqartoq

Peqqissutsimut naalakkersuisoqarfik taamaasilluni pisortaagallartumik qullersaqalerput.

Thomas Munk Veirum
Tusagassiortoq
Saqqummersinneqarpoq

Martin Pedersen naalakkersuisoqarfimmi pisortaagallartussatut toqqarneqarsimasoq naalakkersuisoqarfiup nittartagaani allassimavoq.

Taamaasilluni naalakkersuisoqarfimmi pisortaasimasoq Nike Berthelsen pisortaajunnaarpoq.

Nike Berthelsen Qeqqata Kommuniani Isumaginninnermut pisortatut atorfeqareerluni naalakkersuisoqarfimmi pisortatut 2021-mi atorfinitsinneqarpoq.

Qullersatut atorfillip taarserneqarneranut suna pissutaanersoq pillugu naalakkersuisoqarfimmit aamma naalakkersuisumit Anna Wangenheimimit (D) Sermitsiaq oqaaseqartitsiniarsarivoq.

Peqqissutsimut naalakkersuisoqarfik tamanit malinnaavigineqartuartuuvoq, ilaatigut sulisussaaleqineq, Namminersorlutillu Oqartussat aningaasartuuterpassuisa ilaat pissutaallutik.

Peqqinnissaqarfimmi sulisut peqqissaasut akissarsiaat pillugit isumaqatigiissutip nutaap kinguaattoorfiunera pissutigalugu akerliussutsimik takutitsisimasut KNR-ip upernaaq manna oqaluttuaraa.

Pisortap taarserneqarnerannut suna pissutaanersoq paasissutissiissutigineqanngilaq.

anna wangenheim inuiaqatigiit sulisussanik amigaateqarneq peqqissutsimut naalakkersuisoqarfik martin pedersen nike berthelsen

Atorfiit tamaasa takukkit

– Se alle jobs

Powered by Labrador CMS