Qularutigineqarsinnaasut tamarmik unnerluutigineqartumut iluaqutaassasut, illersuisoq Thomas Wiemann, Eqqartuussisoqarfik Sermersuumi maanna naggataarutaasumik oqaaseqarnermini, oqarpoq.
Taanna unnerluussisussaatitaasoq naapertorlugu ukiuni qulini parnaarussaasussatut eqqartuunneqartumut S-imut illersuisuuvoq. S-i kokainimik kiilup affaata missaanik tigumminnittutut allanullu pisunut pingasunut unnerluutigineqarpoq. S suli pinngitsuunerarpoq.
Qularutigineqarsinnaasut tamarmik unnerluutigineqartumut iluaqutaassasut, illersuisoq Thomas Wiemann, Eqqartuussisoqarfik Sermersuumi maanna naggataarutaasumik oqaaseqarnermini, oqarpoq.
Taanna unnerluussisussaatitaasoq naapertorlugu ukiuni qulini parnaarussaasussatut eqqartuunneqartumut S-imut illersuisuuvoq. S-i kokainimik kiilup affaata missaanik tigumminnittutut allanullu pisunut pingasunut unnerluutigineqarpoq. S suli pinngitsuunerarpoq.
Naasut S-ip Nuummi naatitseqataaffigisai THC-mik akoqarpianngitsut illersuisoq oqarpoq, taamaattumillu ikiaroornartutut taaneqarsinnaanatik. Naasut misissorneqarluarsimanngitsut, Thomas Wiemann oqarpoq.
Aamma allaqatigiinnerit eqqartuussivimmi saqqummiunneqartut S-ip kokainimik anngiortumik eqqussuinermi marlunni pisuusutut peqataaneranut uppernarsaataanngitsut, illersuisoq oqarpoq. Inuit imminnut ilisarisimanerat allaqatigiinnerallu pineqaatissiisutaasinnaanngillat, illersuisup tikkuarpaa.
Illersuisoq: Allaqatigiinneq inerteqqutaanngilaq
Allattaaviit uppernarsaatitut atorneqartut assigiinngitsunik imaqarput. 112-illu allanneqarsimanera kokainimut 112-inik oqimaassusilimmut tunngasuuneranik inerniliisoqaannarsinnaanngitsoq aamma oqarpoq.
Kiisalu S-ip N-imut nakuuserniarluni allakkami unioqqutitsinngilaq. Inuit naleqqutinngitsumik oqaaseqarseqartarsimanerannut assersuutit pineqaatissiissutaasimanngitsut illersuisup nipituumik atuffassissutigai.
S-ip unnerluussutinut tamanut eqqartuussinermi pisuutinneqassapput ukiuni qulini pineqaatissinneqarsimasunut inissiisarfimmiittussanngortitsinissaq ingasappallaartoq Thomas Wiemann isumaqarpoq. Angummut silami toqutsisimasutut allanullu pingasunut toqutseriarsimasutut ukiuni qulini pineqaatissinneqarnikumut sanillersuussivoq.
Eqqartuussutip aalajngerneqarnissaa qallivoq. N-imulli illersuisup Kirsten Birchip naggataarutaasumik oqaaseqaatai tusaqqaartussaavagut.
N ilaannakuusumik nassuerutigittoq
N-ip Kirsten Birch illersuisoraa. Anngiortumik eqqusseriarsimasutut unnerluunneqanngilaq, kokainimilli 112 graminik peqarsimasutut unnerluunneqarpoq.
N ukiumi ataatsimi pineqaatissinneqarsimasunut inissiisarfimmiittussanngortinneqassasoq Birch isumaqarpoq. Ikiaroornartoq pineqartoq ilumut piunersoq aamma uppernarsarneqarsimanngitsoq oqarpoq. Kokainiunerangaq piunngitsutut Kirsten Birchip taavaa. Allanik N-imik aallaqqaatilimmik ateqartoqartoq aamma tikkuarpaa.
N-illi kokainimik 30 gramimik peqarsimanini nassuerutigaa, illersuisullu erseqqissarpaa taanna nammineq piniarlugu pigisimagaa.
N-ip sioorasaarisimasutut tarnikkullu naalliutsitsisimasutut unnerluutigineqartut ilumuunnginnerarpai. Tarnikkut naalliutitsinermi eqqartuussineq Kalaallit Nunaanni siullersaavoq. Pisimasut unnerluussutaasut ilaat inatsit 2024-mi atuutilinngikkallarmat pisimammata taakku aamma atorunnaarsinneqarnissaanik kinguneqarpoq.
Illersuisoq: Inuit marluk pineqartut tamarmik tusindileriarlutik sianeqattaarput
Aamma uppernarsaatit ajorluinnartut, Kirsten Birch isumaqarpoq. N pineqaatissinneqarsimasunut inissiisarfimmiilereersoq uppernarsaatit politiinut tunniunneqarput. Oqarasuaataa misissorneqanngilaq, paasissutissallu unnerluutigineqartup iluaqutigisinnaasai tiguneqarsimanatik, illersuisup tikkuarpaa.
N-ip 2024-mi januaarimiit oktobarimut aapparisimasani tusindileriarluni sianerfigaa ilumoorpoq. Aammali aappakuata N-i tusindileriarluni aamma sianerfigisimavaa, Kirsten Birch oqarpoq.
Eqqartuussineq ulluni tallimani affarmilu ingerlareersorlugu inatsisilerituut saqqummiussassatik tamakkerpaat. N-ip naggammik oqaaseqarnermini kukkusimanini oqaatigaa, aaqqitassarpassuaqarlunilu. Eqqartuussivimmili pisimasut tamarmik saqqummiunneqanngitsut aamma isumaqarpoq.
Maanna eqqartuussisup Sikkerninnguaq Lynge Hardip eqqartuussisooqataasullu aalajangiisussanngorput. Ullumi sisamanngornermi eqqartuussut saqqummiunneqassanersoq suli naluarput. Eqqartuussisut suliaq tuaviuukkusunngikkaat eqqartuussisoq oqarpoq.
